মৰিগাঁও, 28 মাৰ্চ: দ্বিতীয় পৰ্যায়ৰ নিৰ্বাচনী প্ৰচাৰৰ বাবে কঁকালত টঙালি বান্ধি মৰিগাঁৱত উপস্থিত হল দহ নং লোকসভা সমষ্টিৰ বিজেপিৰ প্ৰাৰ্থী ৰূপক শৰ্মা । নিৰ্বাচনী কাৰ্যালয় উদ্বোধনেৰে আকৌ এবাৰ মোদী চৰকাৰৰ পোষকতা । মৰিগাঁৱত দুই বিধায়কে বুলেট চলাই নিৰ্বাচনী চমক আগবঢ়ায় । বৃহস্পতিবাৰে এনেদৰেই মৰিগাঁৱৰ চহৰত ৰূপক শৰ্মাইএটা নিৰ্বাচনী প্ৰচাৰৰ কাৰ্যালয় মুকলি কৰি সমৰ্থকক লৈ বুলেট চলাই আহিল মৰিগাঁও বিহুতলীলৈ । বিহুতলীত অগপ, জাতীয় ঐক্য মঞ্চ তথা দলীয় সমৰ্থকৰ আদৰণি গ্ৰহণ কৰি আকৌ এবাৰ মোডী চৰকাৰ শ্লগান দিলে ৰূপক শৰ্মায়ে । বিজেপিৰ প্ৰাৰ্থী গৰাকীয়ে দহ নং নগাঁও লোকসভা সমষ্টিৰ মৰিগাঁৱত কংগ্ৰেছৰ মনোনীত প্ৰাৰ্থী প্ৰদ্যুৎবৰদলৈক কটুসমালোচনা কৰি ভোটভিক্ষা কৰে মৰিগাঁও বাসীক ।
দুই বিধায়কে বুলেট চলাই নিৰ্বাচনী চমক
বৃহস্পতিবাৰৰ এই নিৰ্বাচনী প্ৰচাৰ সভাতে বিজেপি প্ৰাৰ্থী ৰূপক শৰ্মাৰ হৈ নিৰ্বাচনী প্ৰচাৰ চলাই মৰিগাঁৱৰবিধায়ক ৰমাকান্ত দেউৰীয়ে কংগ্ৰেছ দলক সমালোচনাৰে ৰূপক শৰ্মাক বিপুল ভোটতজয়ী কৰাবলৈ আহবান জনায় ৰাইজক ।
