মাজুলী, 1 মাৰ্চঃ মহাবিদ্যালয়লৈ যোৱাৰ পিছৰে পৰা নিৰুদ্দেশ হৈ আছে উত্তম দাস (২০) নামৰ মাজুলীৰ বনগাঁৱৰ ছাত্ৰ এজন ৷ সেয়ে ছাত্ৰজনৰ পৰিয়ালত এতিয়া কান্দোনৰ ৰোল ৷
শনিবাৰে ঘৰৰ পৰা মহাবিদ্যালয়লৈ বুলি গৈছিল ছাত্ৰ জন ৷ কিন্তু ছাত্ৰজন বিদ্যালয়লৈ গৈ ওভতি নাহিল ঘৰলৈ ৷ কিন্তু এতিয়ালৈকে কি পৰিয়াল , কি আৰক্ষী কোনেও সন্ধান পোৱা নাই ছাত্ৰজনৰ ৷ প্ৰতি দিনে কলেজৰ পৰা ৩ বজাত আহি ঘৰ পোৱা ছাত্ৰ জন চাৰি বজালৈকে নহাত দেউতাক প্ৰেমকান্ত দাসে পুত্ৰক ফোন কৰিছিল যদিও ফোন বন্ধ পোৱাত চিন্তিত হৈ পৰে ৷ উক্ত ঘটনাটি ঘৰৰ পৰিয়ালৰ সকলোকে খবৰ দি মাজুলীৰ বিভিন্ন স্থানত বিচাৰ খোচাৰ কৰিও একো খবৰ নাপায় বনগাঁও আৰক্ষীক কালি নিশা ৯ বজাত বিষয়টো অৱগত কৰে ৷ আৰক্ষীয়ে ততাতৈয়াকৈ তদন্ত আৰম্ভ কৰি নিশা অফলামুখ ঘাটৰ পৰা ছাত্ৰ জনে মহাবিদ্যালয়লৈ অনা চাইকেল খন উদ্ধাৰ কৰে যদিও বৰ্তমানেও ছাত্ৰ জনৰ কোনো সম্ভেদ পাবলৈ সক্ষম হোৱা নাই ৷ আনফালে মাতৃ অনিমা দাসে পুত্ৰৰ মুখ চাবলৈ নাপায় এতিয়া শোকত ভাগি পৰিছে ৷ মাতৃ গৰাকীয়ে পুত্ৰক ঘৰলৈ ঘুৰি অহাৰ বাবে আহ্বান জনাইছে ৷ ইফালে সদাশয় কোনো লোকে যুৱক জনৰ কৰবাত সন্ধান পালে আৰক্ষী থানা অথবা 6002413537 নম্বৰত ফোন যোগে জনাবলৈ কাতৰ অনুৰোধ জনাইছে পৰিয়ালৰ লোকে ৷
লগতে পঢ়ক - জুবিন গাৰ্গৰ স্বাস্থ্যৰ বুজ ললে ৰিপুন বৰা, লুৰিণ আৰু দীপাংকই
