মাজুলি, 4 অক্টোবৰ : দুৰ্গোৎসৱক লৈ সমগ্ৰ ৰাজ্যত উখল মাখল পৰিৱেশৰ ৷ কিন্তু ইয়াৰ বিপৰীত ছবি প্ৰতিফলিত হৈছে সত্ৰপীঠ মাজুলীত ৷ মাজুলী দুৰ্গোৎসৱ পালন কৰা নহ'লেও যোৰহাটৰ মিলনগৰ পূজা মণ্ডপৰ বাবে মাজুলীত নিৰ্মাণ কৰা হৈছে 14 ফুট উচ্চতাৰ ছোঁ মুখা ৷
মাজুলীত 14 ফুট উচ্চতাৰ ছোঁ মুখা নিৰ্মাণ
মুখা শিল্পৰ বাবে বিখ্যাত মাজুলী চামগুৰি সত্ৰৰ সমীপৰ প্ৰেম বৰা, অংকুৰ বৰুৱা আৰু গৌতম ভূঞাই নিৰ্মাণ কৰি উলিয়াইছে দুটা বৃহৎ আকাৰৰ জনজাতীয় যুৱকৰ ছোঁ মুখা ৷ মিলন নগৰ পূজা মণ্ডপৰ মূলদ্বাৰত প্ৰতিষ্ঠা হ'বলগীয়া এই দুই বৰ মুখাই দৰ্শনাৰ্থীক মুগ্ধ কৰিব বুলি আশা ব্যক্ত কৰিছে নিৰ্মাতাসকলে ৷ ছোঁ মুখাৰ লগতে মাজুলীৰ ৰাসত ব্যৱহৃত বৃহৎ আকাৰৰ অজগৰ নিৰ্মাণ কৰি পূজা মণ্ডপত অভিনয়ৰ দিহা কৰিছে পূজা সমিতিয়ে । কাপোৰ, কুমাৰ মাটি, গোৱৰ আৰু বাঁহেৰে নিৰ্মিত ছোঁ বা বৰমুখাকেইটা শুকুৰবাৰে দেৰগাঁৱৰ মণ্ডপলৈ নিয়া হয় ।
