লখিমপুৰ, 19 ছেপ্টেম্বৰঃ লখিমপুৰৰ বিহপুৰীয়াত সংঘটিত এক ডকাইতি কাণ্ডই চাঞ্চল্যৰ সৃষ্টি কৰিছে ৷ বিহপুৰীয়াৰ ষ্টেট বেংকৰ সন্মুখৰ পৰা দিন দুপৰতে নগদ পাচঁ লাখ টকা লুট কৰি নিয়ে দুৰ্বৃত্তৰ দলে ৷ বিপিন বৰা নামৰ লোকজনে বেংকৰ পৰা ৫ লাখ টকা উলিয়াই আনি বাইকত উঠিবৰ সময়ত ঘটনাস্থলীৰ পৰাই দূৰ্বৃত্তই লুটি নিয়ে ধনসহ বেগটো ৷ ভুক্তভোগী গ্ৰাহকজনৰ ভাষ্য অনুসৰি ডকাইতৰ দলটোৱে বাইকৰ হেণ্ডেলত জুলীয়া পদাৰ্থৰ প্ৰলেপ সানি থৈছিল আৰু যাৰ ফলত কিছু সময়ৰ বাবে ধোঁৱা নিৰ্গত হোৱাৰ সুযোগ গ্ৰহণ কৰি দুৰ্বৃত্তৰ দলটোৱে লুট কৰি নিয়ে টকাৰ বেগটো ৷ আৰক্ষীয়ে বেংকৰ চিচিটিভি ৰ ভিজুৱেল সংগ্ৰহ কৰি ডকাইতি কাণ্ডত জড়িত দুৰ্বৃত্তৰ বিৰুদ্ধে অভিযান আৰম্ভ কৰিছে ৷
বেংক গ্ৰাহকৰ পৰা লক্ষাধিক টকা লুট দুৰ্বৃত্তৰ
