কৰিমগঞ্জ, 10 জুনঃ ৰাতাবাৰীৰ নিভিয়া বজাৰৰ আবাসিক এলেকাত থকা বোধন এইচ এচ স্কুল কোৱাৰেন্টাইন কেন্দ্ৰৰ সুৰক্ষাক লৈ অসন্তুষ্ট হৈ পৰিছে স্থানীয় ৰাইজ । কিয়নো কেন্দ্ৰটোলৈ সহজেই অহা যোৱা কৰিব পাৰে যি কোনো লোক । স্থানীয় লোকৰ অভিযোগ মতে কেন্দ্ৰটোত থকা যুৱকক পৰিয়ালৰ লোকে আহি খাদ্যৰ যোগান ধৰাৰ লগতে বিনা বাধাই মিলা মিছা কৰি আহিছে ।
উল্লেখ্য যে, বহিঃ ৰাজ্যৰ পৰা উভতি অহা শতাধিক লোক এই কেন্দ্ৰটোত কোৱাৰেণ্টাইন হৈ আছে । কেন্দ্ৰটোৰ সুৰক্ষাৰ বাবে নিয়োজিত হৈ আছে দুজনকৈ আৰক্ষীৰ জোৱানো । কিন্তু কেন্দ্ৰটোৰ পিচ দিশে কোনো সুৰক্ষা ব্যৱস্থা নথকাত সেইপিনেৰেই লোক আহি ভিতৰত থকা লোকৰ লগত মিলা মিছা কৰে । আৰু মিলামিছা কৰি গৈ সেই লোক সকলে য'ত ত'ত ঘূৰি ফুৰে । যাৰ ফলত অস্বস্তিত পৰিছে অঞ্চলটোৰ স্থানীয় বাসিন্দা সকল । এনেবোৰ কাৰ্যৰ বাবে কৰ'ণা ভাইৰাছ সংক্ৰমণৰ আশংকা কৰিছে লোক সকলে ।
লগতে চাওকঃ বাঘজানৰ পৰিস্থিতি পৰিদৰ্শন পলাশ চাংমাইৰ
