কোকৰাঝাৰ, 9 নৱেম্বৰঃ কোকৰাঝাৰ চহৰত তিনিদিনীয়াকৈ অনুষ্ঠিত হৈ যোৱা মছলা খেতিৰ প্ৰশিক্ষণ কাৰ্যসূচীৰ অন্ত পৰে ৷ বিটিচি অঞ্চলৰ কৃষকসকলৰ লগতে শিক্ষিত নিবনুৱাসকলৰ বাবেই আয়োজন কৰা হৈছিল এই বিশেষ প্ৰশিক্ষণ কাৰ্যসূচী ৷
কোকৰাঝাৰ ছোৱালী মহাবিদ্যালয়ৰ প্ৰেক্ষাগৃহত Farmer’s Agri Business Consortiumৰ সহযোগত অনুষ্ঠিত হোৱা প্ৰশিক্ষণ কাৰ্যসূচীত অংশগ্ৰহণ কৰে বহুটো কৃষক তথা শিক্ষিত নিবনুৱাইও ৷ ৰাজস্থানৰ জয়পুৰস্থিত CCS National Institute of Agriculture Marketingৰ উদ্যোগত অনুষ্ঠিত হোৱা প্ৰশিক্ষণ কাৰ্যসূচী বিটিচিৰ কাৰ্যবাহী সদস্য অনচুমী খুংগুৰ বড়োৱে উদ্বোধন কৰিছিল ৷ প্ৰশিক্ষণ কাৰ্যসূচীত বিটিচি প্ৰশাসনৰ কৃষি বিভাগৰ নিৰ্দেশক এমএম স্বৰ্গীয়াৰী, শীল বায়োটেক লিমিটেডৰ জেষ্ঠ মেনেজাৰ সুবোধ পানৱাৰ, নতুন দিল্লীস্থিত Farmer’s Agri Business Consortiumৰ মেনেজাৰ এচকে দাসৰ লগতে বহুটো লোক উপস্থিত থাকে ৷
