কোকৰাঝাৰ, ১০ মে’: হিমন্ত বিশ্ব শৰ্মা নেতৃত্বাধীন বিজেপি, অগপ আৰু ইউপিপিএলৰ মিত্ৰজোঁট চৰকাৰখনৰ(Himanta Biswa Sarma leaded BJP Govt) প্ৰথম বৰ্ষপূৰ্তি সোমবাৰে বিটিআৰৰ সদৰ কোকৰাঝাৰতো উদযাপন কৰা হয় ৷ ইউপিপিএল দলে ৰাজ্য চৰকাৰখনৰ বৰ্ষপূৰ্তি উপলক্ষে মমবাতি প্ৰজ্বলন আৰু আতজবাজী ফুটাই আনন্দ উল্লাস কৰা পৰিলক্ষিত হয় (Anniversary of Government celebrates by UPPL)৷
এই উপলক্ষে মঙলবাৰে সন্ধিয়া কোকৰাঝাৰ চহৰৰ থানাপাৰাস্থিত ইউপিপিএল দলৰ কেন্দ্ৰীয় মুখ্য কাৰ্যালয়ৰ সমীপত ইউপিপিএল দলৰ নেতা-কৰ্মীসকলে ইউপিপিএল, বিজেপি আৰু অগপ জিন্দাবাদধ্বনি দিয়াৰ উপৰিও হিমন্ত বিশ্ব শৰ্মা, প্ৰমোদ বড়ো আৰু অতুল বৰা জিন্দাবাদ ধ্বনি দিয়ে৷ উল্লেখ্য যে, কোকৰাঝাৰ জিলা ইউপিপিএলৰ উদ্যোগত আয়োজিত অনুষ্ঠানত মিত্ৰজোঁটৰ চৰকাৰখনৰ এটা বছৰ সম্পূৰ্ণ হোৱাত সমূহীয়াকৈ মমবাতি প্ৰজ্বলন কৰে ৷
অনুষ্ঠানত ইউপিপিএলৰ কেন্দ্ৰীয় উপ-সভানেত্ৰী তথা পৌৰসভাৰ অধ্যক্ষা প্ৰতিভা ব্ৰহ্ম, সম্পাদক ৰাজু নাৰ্জাৰী, উপ-সভাপতি আফজল হক সৰকাৰ আৰু জিলা সম্পাদক অমূল্য সূত্ৰধৰ উপস্থিত আছিল ৷
লগতে পঢ়ক: হিমন্ত চৰকাৰৰ বৰ্ষপুৰ্তিৰ বিশাল ৰাজহুৱা সভাত ভাগ ল’লে অমিত শ্বাহে
