কৰিমগঞ্জ,12 অক্টোবৰ: ত্ৰিপুৰাৰ ছাবৰুম জিলাৰ বনকোটিলা এলেকাত সোমবাৰে পুৱতি নিশা প্ৰায় 3 বজাত বজ্ৰপাতৰ ফলত মৃত্যু হয় এগৰাকী মহিলাৰ ৷ প্ৰচণ্ড বজ্ৰপাতৰ ফলত মাটিৰ দেৱাল ভাঙি ঘৰৰ ভিতৰত থকা অৱস্থাতে মৃত্যুক সাৱটি লয় লিপিকা দেৱনাথ নামৰ মহিলা গৰাকীয়ে ৷
ঘটনা সংঘটিত হোৱাৰ পাচতে পৰিয়ালৰ লোকে তেওঁক ছাবৰুম মহকুমা হাস্পতাললৈ যায় যদিও চিকিৎসকে মৃত বুলি ঘোষণা কৰে ৷ উল্লেখ্য যে,কিছুদিন পূৰ্বে প্ৰচণ্ড বজ্ৰপাতৰ ফলৰ সেই এলেকাটোত তিনিজন লোকৰ মৃত্যু হোৱা বুলি জানিব পৰা গৈছে ৷
লগতে পঢ়ক: SI নিযুক্তি: বঙাইগাঁৱত উত্তাল প্ৰতিবাদ বিভিন্ন দল সংগঠনৰ
