কৰিমগঞ্জ,ফেব্ৰুৱাৰী : কৰিমগঞ্জত ড্রাগছৰ ৰমৰমীয়া ব্যৱসায় । ড্রাগছ ব্যৱসায়ীৰ বিৰুদ্ধে কৰিমগঞ্জত অব্যাহত আছে আৰক্ষীৰ অভিযান।
শনিবাৰে ৰাতি নিলামবজাৰ আৰক্ষীৰ এটা বৃহৎ দলে এক গোপন সূত্ৰৰ পম খেদি নিলামবজাৰ আৰক্ষী থানাৰ অধীনত থকা ভেড়াপাট্টা গাঁৱৰ এটা ঘৰত অভিযান চলাই বুজন পৰিমাণৰ ব্ৰাউন চুগাৰ আৰু ইয়বা টেবলেট জব্দ কৰিবলৈ সক্ষম হয় । লগতে গেপ্তাৰ কৰা হৈছে আবুল হুছেইন নামৰ এজন যুবকক ।
উল্লেখ্য যে, আবুল হুছেইনে দীর্ঘ দিন ধৰি নিলামবজাৰ এলাকাত নিচাজাতীয় সামগ্ৰীৰ এক ৰমৰমীয়া ব্যৱসায় চলাই গৈছিল বুলি জানিব পৰা গৈছে ৷ বৰ্তমান এই ঘটনা সন্দৰ্ভত আৰক্ষীৰ তদন্ত অব্যাহত আছে ৷
লগতে পঢ়ক: শোণিতপুৰৰ চাৰিদুৱাৰত গাঞ্জা জব্দ
