ৰঙিয়া, 25 অক্টোবৰঃ কামৰূপ জিলাৰ ৰঙিয়াৰ বাৰ্মিজ নগৰত বৃহস্পতিবাৰে নিশা সংঘটিত হয় এক চাঞ্চল্যকৰ ঘটনা ৷ দুই যুৱকে ৰাজহুৱা স্থানতেই মূৰত পিষ্টল লগাই দাবি-ধমকি দিয়াৰ লগতে প্ৰহাৰ কৰে স্থানীয় যুৱকক ৷ ঘটনাৰ বিৱৰণী মতে,বৃহস্পতিবাৰে নিশা প্ৰায় ১০-৩০ বজাত বাৰ্মিজ নগৰত থকা বন্ধুৰ দোকানত আন এজন বন্ধু ৰিতুল হকৰ লগত সৌৰভ নামৰ যুৱকজনে কথা পাতি আছিল । তেনেতে দুখন দুচকীয়া বাহনত অহা চাৰিজন যুৱকে সৌৰভ আৰু বন্ধু ৰিতুলক মাৰধৰ কৰিবলৈ ধৰে। তেওঁলোকক বাধা দিয়াত মনোজ নামৰ যুৱকজনক অচিনাক্ত যুৱক কেইজনে মূৰত পিষ্টল লগাই আতৰি যাবলৈ দিয়াত প্ৰাণৰ মমতাত মনোজ আতৰি যায়। পিছত যুৱক কেইজনে ফায়াৰিং কৰা বুলিও জানিবলৈ দিয়ে সৌৰভৰ বন্ধুৱে ৷ গুৰুতৰভাৱে আঘাতপ্ৰাপ্ত যুৱকদ্বয়ক ৰঙিয়া অসামৰিক চিকিৎসালয়ত ভৰ্তি কৰোৱা হয় যদিও পিছত উন্নত চিকিৎসাৰ বাবে গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰে ৷
লগতে পঢ়কঃৰহাৰ সৰাগাঁৱত কপিলী যাত্ৰীবাহী ৰেলৰ খুন্দাত নিহত মহিলা