ৰঙিয়া,২৮ এপ্ৰিল: ভূমিকম্পৰ ফলত বুধবাৰে ৰাজ্যৰ ভিন্ন প্ৰান্তত বিস্তৰ ক্ষতিসাধন হৈছে । ৰঙিয়াৰ বঙালীকুছিত থকা ৰে'লৱে দলঙত ভূমিকম্পৰ ফলত বৃহৎ ফাঁট মেলিছে । সম্প্ৰতি উক্ত ৰে'লপথেৰে ৰে'ল চলাচল বন্ধ কৰি দিয়া হৈছে ।
হাতীখোলা ৫১৬ নং ৰে'লৱে দলঙৰ ফাঁট মেলা অংশ মেৰামতিৰ বাবে বৰ্তমান কাম কৰি আছে ৰে'ল কৰ্তৃপক্ষই । বৰ্তমান ৰঙিয়া জংচন আৰু চাংসাৰী ষ্টেচনত আবদ্ধ হৈ আছে যাত্ৰীবাহী ৰে'ল ।
ভূমিকম্পৰ ফলত ৰঙিয়াৰ ৰে'ল দলঙত বৃহৎ ফাঁট
বহু সময় ধৰি ষ্টেচনতে আবদ্ধ হৈ থাকিবলগীয়া হোৱাত যাত্ৰীসকলৰ মাজত হাহাকাৰ পৰিস্থিতিৰ সৃষ্টি হৈছে । আনহাতে, ভূমিকম্পৰ ফলত হোৱা দলঙখনৰ ক্ষতিৰ বিষয়ে বুজ ল'বলৈ ঘটনাস্থলীত উপস্থিত হৈছে ৰে'ল বিভাগৰ কৰ্মচাৰীৰ লগতে ৰে'ল বিভাগৰ শীৰ্ষ বিষয়া ।
লগতে পঢ়ক: কৰিমগঞ্জত গ্ৰেপ্তাৰ ড্ৰাগছসহ তিনি সৰবৰাহকাৰী
