দূধনৈত বনৰীয়া হাতীৰ তাণ্ডৱ

গাহৰি ফাৰ্মখন ভাঙি লণ্ড ভণ্ড কৰাৰ লগতে দুটাকৈ গাভিনী গাহৰিক আক্ৰমণ কৰে ৷ ফলত মৃত্যু হয় দুটাকৈ গাহৰিৰ ৷

বকো, 30 জুন: সোমবাৰে নিশা বন্যহস্তীৰ আক্ৰমণত মৃত্যুমুখত পৰে গাহৰি ফাৰ্মৰ দুটা গাভিনী গাহৰি ৷ ঘটনা সন্দৰ্ভত গোৱালপাৰা জিলাৰ দূধনৈৰ এখন চৰকাৰী গাহৰি ফাৰ্মত সোমবাৰে নিশা সন্ত্ৰাস চলাই এটা বন্যহস্তীৰ জাকে ৷ গাহৰি ফাৰ্মখন ভাঙি লণ্ড-ভণ্ড কৰাৰ লগতে দুটাকৈ গাভিনী গাহৰিক আক্ৰমণ কৰে ৷ ফলত মৃত্যু হয় দুটাকৈ গাহৰিৰ ৷ আনহাতে দৈৱক্ৰমে হাতীজাকৰ পৰা প্ৰাণ ৰক্ষা কৰে ফাৰ্মখনৰ দুগৰাকীকৈ কৰ্মচাৰীয়ে ৷ হাতীৰ জাকটোৱে ফাৰ্মখনৰ বেৰৰ পৰা আদি কৰি পানী পাইপ পৰ্যন্ত ভাঙি পেলাই ফাৰ্মখনৰ বিস্তৰ ক্ষতি কৰে ৷ এতিয়া এনেদৰে জিলাখনৰ বিভিন্ন প্ৰান্তত ধাৰাবাহিকভাৱে চলিছে বনৰীয়া হাতীৰ ধ্বংস কাৰ্য ।

লগতে পঢ়কঃ "Work from home" ৰ দ্বাৰা নিলাম কৰা হ'ব ৰাজ্যৰ চাহপাত