ছয়গাঁও,1 এপ্ৰিলঃ দেওবাৰে ৰাজ্যজুৰি সংহাৰ সৃষ্টি কৰা বিধ্বংসী ধুমুহা বৰষুণতছয়গাঁওৰ অতিকে ভিতৰুৱা অঞ্চলত ব্য়াপক ক্ষতিসাধন হয় ৷ স্থানীয় পান্টান হাইস্কুলতধুমুহাৰ ফলত ব্যাপক ক্ষতিসাধন হয় ৷
ছয়গাঁও পান্টান হাইস্কুল
বিদ্যালয়খনৰ কেইবাটাও শ্ৰেণীকোঠা ধুমুহাৰ ফলত ক্ষতিগ্ৰস্ত হয় ৷ হাইস্কুল চৌহদত থকা এডাল প্ৰকাণ্ড গছ উভালি পৰাৰ ফলতে তিনিটাকৈ শ্ৰেণীকোঠা বিধ্বস্ত হয় ৷ বিদ্যালয়খনৰ দশম শ্ৰেণীকোঠাৰ লগতে বিজ্ঞান পৰীক্ষাগৃহ আৰু শিক্ষকৰ কাৰ্যালয় মুঠ তিনিটা কোঠালীত যথেষ্ট ক্ষতিসাধন হয় ৷ বিদ্যালয় কৰ্তৃপক্ষই প্ৰকাশ কৰা তথ্যঅনুসৰি কোঠালী তিনিটাৰ সকলো সামগ্ৰী বিধ্বস্ত হোৱাৰ লগতে কেবালাখ টকাৰ সা-সম্পত্তিৰ ক্ষতিসাধন হয় ৷
