বাইহাটা চাৰিআলি, 30 ছেপ্টেম্বৰঃ সোমবাৰে বাইহাটা চাৰিআলিৰ কমলপুৰত সংঘটিত হয় এক ভয়ানক পথ দুৰ্ঘটনা ৷ গেছ পৰিবাহী বাহনে মহতিয়াই নিয়ে দুই বাইক আৰোহীক ৷ ফলত থিতাতে নিহত হয় এজন বাইক আৰোহী । আনহাতে গুৰুতৰ ভাবে আহত হয় আন জন আৰোহী ৷ আহত লোকজনক স্থানীয় ৰাইজে ততাতৈয়াকৈ 108 ৰ সহায়ত নিকটৱৰ্তী চিকিৎসালয়লৈ প্ৰেৰণ কৰে ।
বাইহাটাত শোকাৱহ পথ দুৰ্ঘটনা
নলবাৰীৰ পৰা গুৱাহাটী অভিমূখে আহি থকা AS 14J 6036 নম্বৰৰ বাইক আৰোহী দুজনক একে দিশেৰে আহি থকা NL 02Q 4844৮ নম্বৰৰ গেছ পৰিবাহী বাহন খনে মহতিয়াই নিয়াৰ ফলতেই সংঘটিত হয় এই ভয়ংকৰ দুৰ্ঘটনাটো ৷ দুৰ্ঘটনা সংঘটিত কৰিয়ে গধুৰ বাহন খনে পলায়নৰ চেষ্টা চলায় যদিও কিছু দূৰত্ব অতিক্ৰম কৰাৰ পিচত স্থানীয় ৰাইজে কৰায়ত্ব কৰিবলৈ সক্ষম হয় । নিহত বাইক আৰোহী জন নলবাৰীৰ পংকজ মাহাতো বুলি জানিব পৰা গৈছে ।
