বাইহাটা,27 জুলাইঃ চৌদিশে জলপ্ৰলয় , সংকটত জাতি , আপোন ভেটি । এইয়া জি এন এক্স ব্ৰাডাৰ্চ ক্লাব গুৱাহাটীৰ কাহিলিপাৰাৰ শ্লোগান । এই শ্লোগান লৈ বাইহাটা চাৰিআলিৰ আঠগাঁৱত উপস্থিত হ'ল আৰ্তজনক সহায় কৰাৰ বাবে । জি এন এক্স ক্লাৱে নিজৰ সামৰ্থ্য অনুযায়ী পুঠিমাৰিৰ ভগা মঠাউৰিয়ে সৃষ্টি কৰা বানপীড়িত কেইটামান চুবুৰীৰ মাজত বিতৰণ কৰিলে সামান্য বান সাহাৰ্য । প্ৰায় ২০০ ত কৈয়ো অধিক পৰিয়ালৰ মাজত বিতৰণ কৰে চাউল, দাইল, চিৰা আৰু শিশুৰ পুষ্টিকাৰক খাদ্যৰ লগতে খোৱা পানী ।
বাইহাটাত জি এন এক্স ব্ৰাডাৰ্চ ক্লাৱৰ বান সাহাৰ্য
শুকুৰবাৰে দিনৰ ভাগত জি এন এক্স ব্ৰাডাৰ্চ ক্লাৱে আঠগাঁৱৰ বন্যাৰ্তৰ মাজত খাদ্য সামগ্ৰী বিতৰণ কৰাৰ পিচত নিশাৰ ভাগত আঠিয়াবৈ প্ৰগতিশীল সংঘই আঠগাঁৱৰ বন্যাৰ্ত সকলৰ মাাজৰ চাৰিটা কৈ আশ্ৰয় শিবিৰত আগবঢ়ায় নিশাৰ আহাৰ । সংঘৰ সদস্য সকলে নিজে ৰান্ধি আগবঢ়াই নিশাৰ আহাৰ ।
