মঙলবাৰে দিল্লীত অগপ-বিজেপিৰ বৈঠক
সোমবাৰে ৰণজিৎ দাসৰ ঘৰত বৰফ নগলিল ! মঙলবাৰে দিল্লীত অগপ-বিজেপিৰ আসনকেন্দ্ৰিক বৈঠক ৷ বিজেপিৰ ৰাষ্ট্ৰীয় সভাপতি জে পি নাড্ডা সমন্বিতে দলটোৰ ৰাষ্ট্ৰীয় নেতৃত্বৰ সৈতে আসনৰ ভাগ-বটোৱাৰাৰ বিষয়টোক লৈ পুনৰ আলোচনাত মিলিত হ’ব অগপ নেতৃত্ব । ৫ মাৰ্চৰ ভিতৰত অগপ আৰু বিজেপিয়ে ঘোষণা কৰিব প্ৰথমখন প্ৰাৰ্থী তালিকা ।
খহি পৰা ভেটি সবল কৰিবলৈ অসমত উপস্থিত প্ৰিয়ংকা গান্ধী ৱাদ্ৰা
কংগ্ৰেছৰ খহি যোৱা ভেটি পুনৰুদ্ধাৰ তথা সবল আৰু সুদৃঢ় কৰিবলৈকে খুদ নিজেই অসমৰ মাটিত ভৰি দিলেহি কংগ্ৰেছৰ কেম্পেইন ষ্টাৰ সাংসদ প্ৰিয়ংকা গান্ধী ৱাদ্ৰাই ৷ দুদিনীয়া কাৰ্যসূচীৰে অসম ভ্ৰমণলৈ অহা প্ৰিয়ংকা গান্ধী ৱাদ্ৰায়ে সোমবাৰে লখিমপুৰত বিভিন্ন কাৰ্যসূচীত অংশগ্ৰহণ কৰি মঙলবাৰে বিশ্বনাথ আৰু তেজপুৰত আয়োজিত কাৰ্যসূচীত অংশগ্ৰহণ কৰিব ৷
নিৰ্বাচনক লৈ সাজু ধেমাজি জিলা প্ৰশাসন
১১৩ নং ধেমাজি (অনুসূচিত জনজাতি) সমষ্টিত এইবাৰ শেহতীয়া তথ্য অনুসৰি মুঠ ২,৪৭,২০৭ ভোটাৰৰ ১,২৪,৬৬৪ জন পুৰুষ আৰু ১,২২,৫৪৩ জন মহিলা ভোটাৰ । সমষ্টিটোত এইবাৰ ৫ টা জ'ন আৰু ৩০ টা ছেক্টৰত মুঠ ৩৫৬ টা ভোটগ্ৰহণ কেন্দ্ৰ সাজু কৰা হৈছে । কভিড প্ৰট'কল অনুসৰি, এটা ভোটগ্ৰহণ কেন্দ্ৰত সৰ্বাধিক ১,০০০ জন ভোটাৰহে ৰখা হৈছে ।
ভালুকৰ সাঙিলৈ পৰিণত হৈছে টিংখাং মহাবিদ্যালয়ৰ গৱেষণাৰ সামগ্ৰী
চৰকাৰী ঘোষণাৰ পিচতো আজি পৰ্যন্ত উজনি অসমৰ অগ্ৰণী মহাবিদ্যালয় টিংখাং মহাবিদ্যালয়ে লাভ নকৰিলে বিজ্ঞান শাখাৰ অনুমোদন ৷ জানিব পৰা মতে, মহাবিদ্যালয়খনে বিজ্ঞান গৱেষণাগাৰৰ বাবে লাভ কৰা ১০ লাখ টকাৰে ক্ৰয় কৰিছিল গৱেষণাৰ সামগ্ৰী ৷ কিন্তু বিজ্ঞান শাখাৰ অনুমোদন লাভ নকৰাৰ বাবে বিজ্ঞান শিক্ষক অবিহনে এইসমূহ সামগ্ৰী এতিয়া ভালুকৰ সাঙিলৈহে পৰিণত হৈছে ৷
শান্তিপূৰ্ণভাবে সম্পন্ন হওঁক বিধানসভা নিৰ্বাচনঃএবছু
তিনিটা পৰ্যায়ত অনুষ্ঠিত হ'বলগীয়া অসম বিধানসভা নিৰ্বাচন শান্তিপূৰ্ণভাবে সম্পন্ন কৰাৰ বাবে কটকটীয়া নিৰাপত্তা ব্যৱস্থা গ্ৰহণৰ বাবে প্ৰশাসনৰ ওচৰত আহ্বান জনাইছে নিখিল বড়ো ছাত্ৰ সন্থা চমুকৈ এবছুৰ কেন্দ্ৰীয় সভাপতি দীপেন বড়োৱে ৷ ইপিনে নিৰ্বাচনত এবছুৱে কোন প্ৰাৰ্থীক সমৰ্থন জনাব সেয়া সময়ত অৱগত কৰিব বুলি সদৰী কৰে এবছুৰ কেন্দ্ৰীয় সভাপতি দীপেন বড়োৱে ৷
চৰকাৰক ধন্যবাদ জ্ঞাপন এছ আই পৰীক্ষাত উত্তীৰ্ণৰ
সদ্যঘোষিত অসম আৰক্ষীৰ উপ-পৰিদৰ্শকৰ বাচনি পৰীক্ষাত জিলিকিল ডুমডুমাৰ মানখোৱা চাহ বাগিচাৰ যুৱক কৈলাশ কৰ্মকাৰ ৷ কৰ্মকাৰৰ লগতে পিতৃ-মাতৃকো সোমবাৰে ৰাজহুৱাভাৱে চাহ জনজাতি ছাত্ৰ সন্থা আৰু মানখোৱা চাহ বাগিচাৰ শ্ৰমিকসকলে জনাই সম্বৰ্ধনা ৷
শােণিতপুৰৰ ভৃগুজ্যোতি শইকীয়াই দখল কৰিলে মিঃ অসম খিতাপ
অসম ফিজিক এলায়েন্সৰ উদ্যোগত অনুষ্ঠিত 'মিঃ অসম' চেম্পিয়নশ্বিপত বিজয়ীৰ খিতাপ দখল কৰিলে শােণিতপুৰৰ ভৃগুজ্যোতি শইকীয়াই ৷ কাৰ্বি আংলং জিলাৰ বকলীয়াঘাট উচ্চতৰ মাধ্যমিক বিদ্যালয় খেলপথাৰত আয়ােজন কৰা হৈছিল এই প্ৰতিযোগিতাৰ ৷
নিৰ্বাচনী প্ৰক্ৰিয়াত মাস্ক পৰিধান কৰা বাধ্যতামূলক কৰিছে ৰঙিয়া প্ৰশাসনে
ক'ভিড অতিমাৰীৰ প্ৰতি লক্ষ্য ৰাখি আগন্তুক নিৰ্বাচনৰ বাবে প্ৰশাসনে লৈছে কিছুমান বিশেষ ব্যৱস্থা ৷ নিজ কাৰ্যালয়ত এক সংবাদমেলৰ আয়োজন কৰি ৰঙিয়াৰ মহকুমাধিপতি স্বপ্নীল পালে এই কথা জানিবলৈ দিয়ে ৷ দিব্যাংগসকলৰ লগতে আশীৰ উৰ্ধৰ ব্যক্তিসকলৰ বাবে পোষ্টেল বেলট ভোটৰ সুবিধা প্ৰদান কৰাৰ কথা সদৰী কৰে পালে ৷
মৰাণত বিজেপি কৰ্মীৰ "চক্ৰ হটাও মৰাণ বচাও" প্ৰতিবাদ
বিজেপি বিধায়ক চক্ৰধৰ গগৈৰ প্ৰাৰ্থীত্বৰ বিৰোধিতাৰে মৰাণত বিজেপি কৰ্মীৰ মুকলি প্ৰতিবাদ ৷ মৰাণ সমষ্টিৰ বিজেপি বিধায়ক চক্ৰধৰ গগৈক পুনৰ প্ৰাৰ্থীত্ব প্ৰদান নকৰিবলৈ দাবী জনাই সোমবাৰে ৰাজপথলৈ ওলাই আহিল দলীয় কৰ্মকৰ্তা ৷ বিধায়কজনৰ বিৰুদ্ধে সীমাহীন দূৰ্নীতি, স্বজন-তোষণৰ অভিযোগত সোমবাৰে ডিব্ৰুগড় জিলাৰ মৰাণ বিধানসভা সমষ্টিৰ অন্তৰ্গত কুটোহাত তীব্ৰ প্ৰতিবাদ সাব্যস্ত কৰে দলীয় কৰ্মীসকলে ৷
অসমৰ মুখ্যমন্ত্ৰী হৈ জেলৰ পৰা ওলাই আহিব অখিল গগৈ: কমল মেধি
মন্ত্ৰী হিমন্ত বিশ্ব শৰ্মাৰ বিৰুদ্ধে সৰৱ ৰাইজৰ দলৰ সম্পাদক কমল কুমাৰ মেধি ৷ অসমৰ মাফিয়া ৰাজনীতিৰ মূল মানুহ হিমন্ত বিশ্ব শৰ্মা বুলি মন্তব্য মেধিৰ ৷ অসমক নেতিবাচক ৰাজনীতিৰ পৰা ৰক্ষা কৰিবলৈ প্ৰথমে হিমন্ত বিশ্ব শৰ্মাক অসমৰ ৰাজনীতিৰ পৰা বিদায় দিব লাগিব বুলি মন্তব্য কৰাৰ লগতে অসমৰ মুখ্যমন্ত্ৰী হৈ অখিল গগৈ কাৰাগাৰৰ পৰা উলাই আহিব বুলি দাবী কৰিছে কমল কুমাৰ মেধিয়ে ৷
