5 বজাৰ শীৰ্ষ 10 টা বাতৰি...

5 বজাৰ শীৰ্ষ 10 টা বাতৰি...

এপ'ল মিলৰ কৰ্মচাৰীৰ আত্মহত্যাৰ অপচেষ্টা ৷ একাংশ প্ৰত্যক্ষদৰ্শীৰ সহযোগত কৰ্মচাৰীগৰাকীক উদ্ধাৰ কৰি ততালিকে ৰঙিয়াৰ পলিক্লিনিক হাস্পতাললৈ প্ৰেৰণ কৰা হয় ৷ সম্প্ৰতি উন্নত চিকিৎসাৰ বাবে গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰা হৈছে কৰ্মচাৰী গৰাকীক ৷

এই পূৰ্বৰ দৰে ৰাসৰ পোছাকৰ বাবে অৰ্ডাৰ লাভ কৰা নাই শিল্পী সকলে ৷ যাৰ বাবে নিজৰ পেটৰ ভাত মুঠিৰ বাবে চিন্তা কৰিবলগীয়া হৈছে এই সকল শিল্পীয়ে ৷

ডিব্ৰুগড়স্থিত অসম চিকিৎসা মহাবিদ্যালয় হাস্পতালৰ নতুন অধ্যক্ষৰ দায়িত্ব লাভ কৰিছে ডাঃ সঞ্জীৱ কাকতিয়ে ৷ অধীক্ষকৰ দায়িত্ব অৰ্পণ কৰা হয় ডাঃ প্ৰশান্ত দিহিঙীয়াক ৷

শিৱসাগৰৰ খেলুৱৈয়ে বিভিন্ন প্ৰতিযোগিতাত পদক বুটলিবলৈ সক্ষম হোৱাৰ পাছতো আজিলৈকে কোনো ধৰণৰ চৰকাৰী সাহায্য লাভ নকৰাত ক্ষোভ প্ৰকাশ কৰে শিৱসাগৰ উশ্বু সন্থাৰ সাধাৰণ সম্পাদক প্লাৱন বৰায়ে ৷

আজি ৰাজ্যজুৰি অনুষ্ঠিত হৈ অসম আৰক্ষীৰ SI পৰীক্ষা ৷ পূৰ্বতে এই পৰীক্ষাত সংঘটিত কেলেংকাৰীৰ অভিকেন্দ্ৰ কৰিমগঞ্জতো কঠোৰ নিৰাপত্তাৰ মাজত অনুষ্ঠিত হৈছে এই পৰীক্ষা ৷

শিৱসাগৰ জিলাৰ দিকচু মাউত গাঁৱত মিলনজ্যোতি পুথি ভঁড়াল আৰু "নৱৰত্ন" যুৱ সংঘৰ উদ্যোগত আৰু স্থানীয় ৰাইজৰ সহযোগত অনুষ্ঠিত হ'ব এদিনীয়া ৰাস ৷

দেওবাৰে শালবাৰীত পৃথকে পৃথকে তিনিটাকৈ নিৰ্বাচনী কাৰ্যালয় মুকলি কৰে সমষ্টিটোৰ ইউ পি পি এলৰ প্ৰাৰ্থী বিনোদ মুছাহাৰীয়ে ৷

শাওনত মূৰৰ ঘাম মাটিত পেলাই কৰা খেতিডৰা এতিয়া সোণালী হৈ পৰাত আনন্দিত হৈ পৰিছে কৃষক সকল ৷ ইয়াৰ মাজতে চৰকাৰী কৃষি বিভাগৰ পৰা কোনো ধৰণৰ সহায় নোপোৱা বুলি ক্ষোভ প্ৰকাশ কৰে একাংশ কৃষকে ৷

আমিনগাঁৱত দেওবাৰে বিজেপিৰ গুৱাহাটী মহানগৰ জিলা সমিতিয়ে স্বচ্ছ ভাৰত অভিযান কোষৰ অধীনত এক স্বচ্ছতা অভিযান ৰূপায়ন কৰে ৷

প্ৰাক্তন মুখ্যমন্ত্ৰী তৰুণ গগৈৰ স্বাস্থ্য সন্দৰ্ভত জিএমছিএইছ অধ্যক্ষ ডাঃ অভিজিৎ শৰ্মাৰ মন্তব্য ৷ বৰ্তমানো সংকটজনক অৱস্থাত আছে তৰুণ গগৈ ৷