মহানগৰীত বাছ বিছাৰি যাত্ৰীৰ হাহাকাৰ অৱস্থা

দ্বিতীয় পৰ্যায়ৰ নিৰ্বাচনৰ বাবে বাছৰ অভাৱ ঘটিছে মহানগৰীত ৷ প্ৰশাসনে অধিগ্ৰহণ কৰাৰ ফলতেই এইদৰে দুৰ্ভোগ ঘটিছে যাত্ৰীসকলৰ ৷

গুৱাহাটী, 17 এপ্ৰিলঃ বৃহস্পতিবাৰে ৰাজ্যত অনুষ্ঠিত হ'ব দ্বিতীয় পৰ্যায়ৰ নিৰ্বাচন ৷ নিৰ্বাচন সুকলমে অনুষ্ঠিত কৰিবলৈ ইতিমধ্যে সাজু হৈ উঠিছে ৰাজ্যিক প্ৰশাসন আৰু নিৰ্বাচন আয়োগ ৷

মহানগৰীৰ বিভিন্ন প্ৰান্তত থকা লোকসকলে ভোটদিবলৈ বুলি নিজ গৃহলৈ যাবলৈ আহি ভীষণ অসুবিধাৰ সন্মুখীন হয় ৷ কিয়নো অধিকাংশ বাছ প্ৰশাসনে অধিগ্ৰহণ কৰাৰ ফলত হাহাকাৰ পৰিস্থিতিৰ সৃষ্টি হয় যাত্ৰীসকলৰ মাজত ৷ আনহাতে ইয়াৰে সুবিধা লৈ একাংশ দুষ্ট বাছচালক-হেণ্ডিমেনে যাত্ৰীৰ পৰা অধিক ভাড়া সংগ্ৰহ কৰাৰ অভিযোগ উত্থাপন কৰিছে একাংশ যাত্ৰীয়ে ৷