ৰাজহুৱা বিতৰণ ব্যৱস্থাত পুনৰ বিসংগতিৰ অভিযোগ

লক ডাউনৰ সময়ত চৰকাৰে ৰেচন কাৰ্ড নথকা লোকক প্ৰতিজনকে 5 কিলোকৈ চাউল যোগান ধৰাৰ কথা ঘোষণা কৰিছিল । আৰু এই চাউলসমূহ সুলভ মূল্যৰ দোকানসমূহৰ জৰিয়তে বিতৰণ কৰা হ’ব বুলি চৰকাৰে ঘোষণা কৰিছিল ৷ কিন্তু বহুকেইখন দোকানে এতিয়ালৈকে 5 কিলো চাউল দিবলগীয়া লোকৰ তালিকাখনেই জিলা প্ৰশাসনৰ তৰফৰ পৰা লাভ কৰা নাই ৷ সুলভ মূল্যৰ দোকানীয়ে এই অভিযোগ উত্থাপন কৰে ।

গুৱাহাটী, 18 মে': ৰাজ্যত চলি থকা ৰাজহুৱা বিতৰণ ব্যৱস্থা (পিডিএছ)ৰ বিসংগতি এতিয়াও যেন দূৰ হোৱা নাই । খাদ্য সুৰক্ষা আঁচনিৰ অধীনত চৰকাৰে দিয়া ৰেচন কাৰ্ডৰ নামতো সংঘটিত হৈছে ব্যাপক বিসংগতি । এই সময়ছোৱাত প্ৰায় 1 লাখ ভুৱা ৰেচন কাৰ্ডৰ তথ্য ফাদিল হোৱা বুলি জানিব পৰা গৈছে ।

ইয়াৰ মাজতে চৰকাৰে ৰেচন কাৰ্ড বিতৰণৰ সমগ্ৰ প্ৰক্ৰিয়াটো শুদ্ধ কৰি তুলিবলৈ আৰ্নেষ্ট এণ্ড য়ং (ENY) নামৰ এটা ব্যক্তিগত খণ্ডৰ প্ৰতিষ্ঠানক দায়িত্ব দিয়ে । কিন্তু সেই প্ৰক্ৰিয়াও ৰহস্যজনকভাৱে আধাতে স্থবিৰ হৈ পৰে বুলি সূত্ৰই জানিবলৈ দিয়ে ।

চৰকাৰে লক ডাউনৰ সময়ছোৱাত ৰেচন কাৰ্ড নথকা লোকক প্ৰতিজনকে 5 কিলোকৈ চাউল যোগান ধৰাৰ কথা ঘোষণা কৰে । সুলভ মূল্যৰ দোকানসমূহৰ জৰিয়তে এই চাউল বিতৰণ কৰা হ’ব বুলি চৰকাৰে ঘোষণা কৰিছিল যদিও বহু দোকানে আজি পৰ্যন্ত 5 কিলো চাউল দিবলগীয়া লোকৰ তালিকাখনেই জিলা প্ৰশাসনৰ তৰফৰ পৰা লাভ কৰা নাই বুলি সুলভ মূল্যৰ দোকানীয়ে অভিযোগ উত্থাপন কৰে ।

লগতে পঢ়ক: ভয়াৱহ পৰিস্থিতিত ঈদ উদযাপন কৰিব পৰা নাযাব!