গুৱাহাটী, 17 নৱেম্বৰ: বিজেপিমুখী হাগ্ৰামাৰ প্ৰচেষ্টাৰ নতুন নতুন তথ্য পোহৰলৈ আহিছে ৷ মিত্ৰতা বিচাৰি বিজেপিৰ নেতৃত্বলৈ হাগ্ৰামাই প্ৰেৰণ কৰিছে একাধিক পত্ৰ (Hagrama Mahilary wrote letters to BJP leaders) ৷ জে পি নাড্ডাৰ পৰা আৰম্ভ কৰি নৰেন্দ্ৰ মোডী, অমিত শ্বাহলৈও পত্ৰ প্ৰেৰণ হাগ্ৰামাৰ ৷ ২০১৬ ত আদৰ্শগত কাৰণতে মিত্ৰতা ছেদৰ কথা উল্লেখ ৷ মিত্ৰ হিচাপে NDAৰ লগত থকা কালৰ কাম-কাজৰ বিষয়ে হাগ্ৰামাই উল্লেখ কৰিছে মোডী-শ্বাহলৈ দিয়া পত্ৰত ৷
বিজেপিৰ ৰাষ্ট্ৰীয় সভাপতি নাড্ডালৈ দিয়া পত্ৰত কেইবাটিও আহ্বান হাগ্ৰামাৰ ৷ আকৌ বিপিএফক NDAৰ সদস্য কৰি লোৱাৰ আহ্বান ৷ অহা লোকসভা নিৰ্বাচনত বিজেপিক সহৃদয়তাৰে সমৰ্থন আগবঢ়োৱাৰ প্ৰতিশ্ৰুতি হাগ্ৰামাৰ (Hagrama mahilary wish to support BJP) ৷ বিজেপিৰ বিৰুদ্ধে ক’তো লোকসভা নিৰ্বাচনত প্ৰাৰ্থী নিদিয়াৰো কথা দিছে হাগ্ৰামাই ৷
ৰাজ্যৰ হিমন্তবিশ্ব শৰ্মা চৰকাৰলৈ পত্ৰযোগে নিঃচৰ্ত সমৰ্থন হাগ্ৰামাৰ ৷ হিমন্ত বিশ্ব শৰ্মা কেবিনেটত এজন বিপিএফ বিধায়কক মন্ত্ৰীত্ব দিয়াৰ বাবেও অনুৰোধ হাগ্ৰামাৰ ৷ প্ৰমোদ বড়োৰ বিৰুদ্ধেও পত্ৰত জে পি নাড্ডাক একাধিক অভিযোগ কৰিলে হাগ্ৰামাই ৷ বিটিআৰত প্ৰমোদ বড়োৱে ব্যাপক অনিয়ম চলোৱাৰ অভিযোগ (Hagrama Mahilary against Pramod Boro) ৷
লগতে পত্ৰত হিন্দুত্ববাদৰ ইচ্ছ্যুও উল্লেখ কৰি বিজেপিৰ মন জয়ৰ চেষ্টা হাগ্ৰামা মহিলাৰীৰ ৷ চাকৰিৰ প্ৰলোভনেৰে বহু বড়োলোকক খ্ৰীষ্টান ধৰ্মলৈ ধৰ্মান্তৰিত কৰাৰো অভিযোগ কৰিছে হাগ্ৰামাই ৷
উল্লেখ্য যে, পুনৰ বিটিচিৰ ক্ষমতালৈ আহিবলৈ একপ্ৰকাৰৰ নেৰানেপেৰা চেষ্টাত ব্ৰতী হৈ আছে বিপিএফৰ মুৰব্বী হাগ্ৰামা মহিলাৰী (BPF chief Hagrama Mahilary) ৷ এই উদ্দেশ্যৰেই বিগত প্ৰায় এমাহ ধৰি হাগ্ৰামাই বাহৰ পাতি আছে দিল্লীত ৷ বিজেপি জ্যেষ্ঠ নেতাৰ পৰা নাগপুৰৰ আৰএছএছৰ নেতালৈ কোনোফালেই চেষ্টা বাদ দিয়া নাই একালৰ বিটিএডিৰ প্ৰতাপী নেতা হাগ্ৰামা মহিলাৰীয়ে ৷
আৰএছএছৰ মুখ্য কাৰ্যালয় নাগপুৰত হাগ্ৰামাই আৰএছএছ নেতাৰ চৰণ চুই সেৱা লোৱা এখন ফটোৱে বুধবাৰৰ পৰা খলকনি তুলিছে বড়োভূমিৰ লগতে সমগ্ৰ ৰাজ্যৰ ৰাজনীতিত ৷ শেহতীয়াভাৱে নাগপুৰত আৰএছএছ নেতা ইন্দ্ৰেশ কুমাৰক সাক্ষাৎ কৰি সেৱা লোৱা বিষয়টোৱে পুনৰ প্ৰাসংগিক কৰি তুলিছে হাগ্ৰামাক(BPF chief meets RSS leader Indresh Kumar) ৷ সকলোৰে মাজত চৰ্চা হৈছে সলনি হ’ব নেকি বড়োভূমিৰ ৰাজনীতি ৷ পুনৰ বিটিএডিৰ শাসনৰ নেতৃত্বলৈ আহিব নেকি হাগ্ৰামা ?
প্ৰমোদ বড়োৰ ঠাইত পুনৰ বিটিএডিৰ শাসনৰ বাঘজৰীলৈ হাগ্ৰামা আহিব নেকি? কিয়নো বড়োভূমিৰ যোৱাটো নিৰ্বাচনত হাগ্ৰামাৰ দল বিপিএফ পৰাজিত হোৱাৰ পিছত বিজেপিৰে মিত্ৰতা কৰিবলৈ বিভিন্ন প্ৰকাৰে চেষ্টা চলাই আহিছে হাগ্ৰামা মহিলাৰীয়ে ৷ শেহতীয়াভাৱে যোৱা এটা মাহ ধৰি বিজেপি আৰু আৰএছএছৰ কেইবাজনো শীৰ্ষ নেতাক দিল্লীত সাক্ষাৎ কৰিছে হাগ্ৰামাই ৷ এতিয়া হাগ্ৰামাৰ এই কেইখন চিঠিয়ে যে ৰাজ্যৰ ৰাজনৈতিক মহলত পুনৰ খলকনি তুলিব সেয়া অনুমেয় হৈ পৰিছে ৷
লগতে পঢ়ক: BPF chief meets RSS leader Indresh Kumar: বিজেপিত মিলি যাব নেকি হাগ্ৰামাৰ বিপিএফ !
