জালুকবাৰী, 11 ফেব্ৰুৱাৰীঃ চাকৰি দিয়াৰ নামত ধন অভিযোগত আৰ্জু নাৰ্জাৰী নামৰ এগৰাকী লোকক আটক কৰে জলুকবাৰী আৰক্ষীয়ে ৷ ৰাজ্যৰ ভিন্ন প্ৰান্তৰ যুৱকৰ পৰা আছাম ৰেজিমেন্টত চাকৰি দিয়াৰ নামত ধন সংগ্ৰহ কৰাৰ অভিযোগ লোকজনৰ বিৰুদ্ধে ৷ সোমবাৰে ছিপাঝাৰ আৰু বিজনীৰ আঠগৰাকী ভুক্তভোগী যুৱকে মালিগাঁৱত, অভিযুক্ত ব্যক্তিগৰাকীক কৰায়ত্ব কৰি জালুকবাৰী আৰক্ষীক চমজাই দিয়ে ৷
যুৱক কেইজনৰ অভিযোগ অনুসৰি, লোকজনে চাকৰি দিয়াৰ বাবদ প্ৰতিগৰাকী যুৱকৰ পৰা ৩০ হাজাৰৰ পৰা ১ লাখ পৰ্যন্ত ধন লৈ পলাই ফুৰিছিল ৷ সোমবাৰে কোনো গোপন সূত্ৰৰ পৰা অভিযুক্ত লোকজন মালিগাঁৱত থকাৰ খবৰ পাই আৰু তাত উপস্থিত হৈ লোকজনক কৰায়ত্ব কৰে ৷ ভুক্তভোগী যুৱক কেইজনে ইতিমধ্যে জালুকবাৰী আৰক্ষী চকীত এখন এজাহাৰ দাখিল কৰিছে ৷ উক্ত এজাহাৰৰ ভিত্তিত জালুকবাৰী আৰক্ষীয়ে ব্যক্তিজনৰ বিৰুদ্ধে আৰম্ভ কৰিছে তদন্ত ৷
লগতে পঢ়ক ঃ আৰক্ষীৰ তালাচীত তিতাবৰ আৰু বোকাজানত জব্দ গঁড়ৰ খৰ্গ
