গুৱাহাটী, ২৮ ফেব্ৰুৱাৰী : অভিনেতা বিবেক অবেৰয়ে পূজা-অৰ্চনা কৰিছে নীলাচল পাহাৰৰ বগলা মন্দিৰত (actor vivek oberoi visits maa kamakhya temple) । অভিনেতাজনক সংগ দিছে মন্ত্ৰী অশোক সিংহলে । কোকৰাঝাৰৰ জ্ঞান মহোৎসৱত অংশ গ্ৰহণৰ উদ্দেশ্যেৰে আহিছিল বিবেক অবেৰয় ।
বড়োলেণ্ড আন্তঃৰাষ্ট্ৰীয় জ্ঞান মহোৎসৱত অংশ গ্ৰহণৰ উদ্দেশ্যে অসমলৈ অহা মুম্বাইৰ জনপ্ৰিয় অভিনেতা বিবেক অবেৰয়ে যোৱা নিশা গুৱাহাটীৰ নীলাচল পাহাৰত উপস্থিত হয় । মা কামাখ্যাৰ আশীষ বিচাৰি অহা অভিনেতা গৰাকীয়ে নিশা কামাখ্যা ধামৰ বগলা মন্দিৰত পূজা-অৰ্চনা আগবঢ়ায় (maa kamakhya temple in guwahati assam)। বগলা মন্দিৰত অভিনেতা বিবেক অবেৰয়ক সংগ দিয়ে অসম চৰকাৰৰ মন্ত্ৰী অশোক সিংহলে ৷
উল্লেখ্য যে, কোকৰাঝাৰৰ বড়োলেণ্ড আন্তঃৰাষ্ট্ৰীয় জ্ঞান মহোৎসৱত অংশ গ্ৰহণৰ বাবে দেওবাৰে অসমলৈ আহিছিল অভিনেতাগৰাকী । অসমৰ প্ৰাকৃতিক সৌন্দৰ্যত অভিভূত বলীউডৰ অভিনেতাগৰাকীয়ে অসমৰ মুখ্যমন্ত্ৰী হিমন্ত বিশ্ব শৰ্মাৰ কাম-কাজকো উচ্চ প্ৰশংসা কৰে । সোমবাৰে নিশা বগলা মন্দিৰত পূজা-অৰ্চনা কৰাৰ পাচত সংবাদ মাধ্যমৰ আগত অভিনেতা বিবেক অবেৰয়ে নিজৰ মনৰ ভাৱ ব্যক্ত কৰে । তেওঁ কয়, ‘‘মাৰ পৱিত্ৰ ভূমিলৈ আহি ভাল লাগিল । মাৰ আশিস গ্ৰহণ কৰিলোঁ’’ ৷
অসমৰ প্ৰাকৃতিক সৌন্দৰ্যত পঞ্চমুখ বিবেক অবেৰয়ে লগতে কয় যে, অসমৰ লগতে বিশেষকৈ গুৱাহাটীবাসী সৌভাগ্যশালী । প্ৰাচীন মঠ-মন্দিৰ সমূহৰ সভ্যতা অসমতেই সংৰক্ষণ হৈ আছে মত প্ৰকাশ কৰে তেওঁ । তেওঁ এইসমূহ সংৰক্ষণ কৰাৰ ওপৰত বিশেষ গুৰুত্ব আৰোপ কৰে । তেওঁ কয় যে, এই ঐতিহ্য সমূহৰ সংৰক্ষণৰ প্ৰয়োজনীয়তা আছে ।
অসমত ছবিৰ দৃশ্যগ্ৰহণত আগ্ৰহ প্ৰকাশ কৰে অভিনেতা বিবেক অবেৰয়ে । তেওঁ অসমত শ্বুটিঙৰ সম্ভাৱনীয়তাৰ ওপৰত বিশেষ গুৰুত্ব আৰোপ কৰি কয় যে অসমত প্ৰতিভাৰ অভাৱ নাই । অসমত সংস্কৃতিৰ সম্ভাৰ থকাৰ কথা উল্লেখ কৰি অভিনেতা গৰাকীয়ে বিশ্ববাসীৰ বাবে ইয়াৰ সংৰক্ষণত গুৰুত্ব আৰোপ কৰে । সংবাদ মাধ্যমৰ আগত অভিনেতাগৰাকীয়ে নিজৰ নতুন কামৰ বিষয়ে সদৰী কৰে ।
উল্লেখ্য যে, কোকৰাঝাৰত বড়োলেণ্ড আন্তঃৰাষ্ট্ৰীয় জ্ঞান উৎসৱৰ সময়ত চি আই টি, কোকৰাঝাৰ শিক্ষাৰ্থী, এবিডি বড়ো চিনে শিল্পীসকলৰ সৈতে বিবেক অবেৰয়ে বাৰ্তালাপ কৰে । ইয়াৰ পূৰ্বে ২০২০ চনৰ জানুৱাৰীত অসমলৈ আহিছিল অভিনেতাগৰাকী । মহানগৰীৰ সৰুসজাইত অনুষ্ঠিত হোৱা যুৱ সন্মিলনৰ সামৰণি অনুষ্ঠানত অংশ গ্ৰহণ কৰিছিল অভিনেতা বিবেক অবেৰয়ে ।
লগতে পঢ়ক : Zubeen Garg news: বিহুৰ পিছতেই নতুন ছবিৰ শ্বুটিং আৰম্ভ কৰিব জুবিনে
