গুৱাহাটী, ৬ ছেপ্টেম্বৰ: এইবাৰ গছপুলিৰ দ্বাৰা বিশ্ব অভিলেখ ৷ পুনৰ বিশ্ব ৰেকৰ্ডৰ বাবে সাজু অসম চৰকাৰ ৷ দিশপুৰত জনতা ভৱনত বুধবাৰে এক সংবাদমেলত মুখ্যমন্ত্ৰী ড৹ হিমন্ত বিশ্ব শৰ্মাই গছপুলি বিতৰণ আৰু ৰোপণেৰে কেইবাটাও গিনিজ ৱৰ্ল্ড ৰেকৰ্ডৰ লক্ষ্যৰ কথা ঘোষণা কৰে । ৯ ৰ পৰা ১৭ ছেপ্টেম্বৰলৈ হ’ব লগা এই অমৃত বৃক্ষ ৰোপণৰে বিশ্ব অভিলেখ গঢ়াৰ কাৰ্যসূচী সৱিশেষ ঘোষণা কৰিছে মুখ্যমন্ত্ৰীগৰাকীয়ে।
-
Live: Addressing press conference at CM Block, Assam Secretariat Complex, Dispur https://t.co/jxsIQ9Dnd2
— Himanta Biswa Sarma (@himantabiswa) September 6, 2023 " class="align-text-top noRightClick twitterSection" data="
">Live: Addressing press conference at CM Block, Assam Secretariat Complex, Dispur https://t.co/jxsIQ9Dnd2
— Himanta Biswa Sarma (@himantabiswa) September 6, 2023Live: Addressing press conference at CM Block, Assam Secretariat Complex, Dispur https://t.co/jxsIQ9Dnd2
— Himanta Biswa Sarma (@himantabiswa) September 6, 2023
সংবাদমেল মুখ্যমন্ত্ৰীগৰাকীয়ে সদৰী কৰে যে অসম চৰকাৰে অমৃত বৃক্ষ আন্দোলনৰ বাবে ব্যাপক সংকল্প লৈ তৎপৰতা চলাইছে ৷ নিবিদাযোগে ৰাজ্যৰ বাহিৰৰ পৰাও আনিছে বৃহৎ সংখ্যক গছপুলি । ১৭ ছেপ্তেম্বৰত ৰাজ্যজুৰি ৰোপণ কৰিব ১ কোটি গছপুলি ৷ অহা ৯ ছেপ্টেম্বৰত গুৱাহাটীৰ খানাপাৰাৰ খেলপথাৰত ৩ লাখ গছপুলি ২২ কিলোমিটাৰ জোৰা সৰ্পিল আকাৰেৰে দীঘলীয়া শাৰীৰে সজাই প্ৰথমটো বিশ্ব অভিলেখ গঢ়াৰ চেষ্টা কৰিব ৰাজ্য চৰকাৰে ৷
তেওঁ আৰু কয় যে ৯ ছেপ্টেম্বৰৰ পৰা ১৭ ছেপ্টেম্বৰৰ ভিতৰত গছপুলি ৰুই অসম চৰকাৰে মুঠ ৯ টা বিশ্ব অভিলেখ গঢ়িবৰ চেষ্টা কৰিব । ইয়াৰে ৩ টা নতুন অভিলেখ গঢ়াৰ চেষ্টা কৰা হ’ব ৷ আন ৬ টা পুৰণি অভিলেখ ভংগ কৰাৰ প্ৰচেষ্টা কৰিব ৷ ইয়াৰ বাবে গিনিজ ৱৰ্ল্ড ৰেকৰ্ডৰ দল ইতিমধ্যে আহি পাইছে অসম ৷
সংবাদমেলত মুখ্যমন্ত্ৰীগৰাকীয়ে ঘোষণা কৰে যে ভোটিং মেচিনৰ দৰে চৰকাৰীগছ ঠায়ে ঠায়ে প্ৰেৰণ কৰা হ’ব ৷ নিৰ্দিষ্ট স্থানৰ পৰা পোৰ্টেলত পঞ্জীয়ন কৰা লোকে গছপুলি ৰুবলৈ লৈ যাব পাৰিব ৷ গছপুলিৰ বাবে মুঠ ৪৭,৩৪,৪৬৫ লোকে এতিয়ালৈ পোৰ্টেলযোগে পঞ্জীয়ন কৰিছে।
‘‘সৰ্বাধিক ৭৬৮২৪ ডাল গছপুলি উত্তৰ প্ৰদেশে বিতৰণ কৰি বিশ্ব ৰেকৰ্ড কৰিছিল ৷ ১০ ছেপ্টেম্বৰতে তিনি লাখ গছপুলি বিতৰণ কৰি আমি ৰেকৰ্ড কৰাৰ চেষ্টা কৰিম ৷ ডিব্ৰুগড়ত এঘণ্টাত সৰ্বাধিক গছ পুলি ৰোপণ কৰি ৰেকৰ্ড কৰিব খুজিছো,” মন্তব্য মুখ্যমন্ত্ৰীৰ ৷
ড৹ শৰ্মাই আৰু কয়, ‘‘১০ ছেপ্টেম্বৰত এদিনত এঠাইত সৰ্বাধিক গছপুলি বিতৰণেৰে খানাপাৰা পশু চিকিৎসা মহাবিদ্যলয় খেলপথাৰত ৰেকৰ্ড কৰা হ’ব ৷ ৩ লাখ ৮৩ হাজাৰ ফটো এলবামৰ বিশ্ব ৰেকৰ্ড আমি ভাঙিম ১৭ ছেপ্টেম্বৰত ৷ আমাৰ লক্ষ্য এক কোটি ফটো এলবামৰ বিশ্ব ৰেকৰ্ড কৰাৰ ৷’’ গছপুলি ৰোৱাৰ অংগীকাৰ কৰাৰ ৰেকৰ্ডো কৰা হ’ব বুলিও মুখ্যমন্ত্ৰীগৰাকীয়ে উল্লেখ কৰে ৷
মুখ্যমন্ত্ৰীগৰাকীয়ে ঘোষণা কৰে যে ১৪ ছেপ্টেম্বৰত ওদালগুৰিত এটা গোটৰ দ্বাৰা সৰ্বাধিক গছ পুলি ৰোপণৰ ৰেকৰ্ড কৰা হ’ব ৷ ২৪ ঘণ্টাত একেলগে ১০০০০ মানুহে সৰ্বাধিক গছপুলি ৰোপণ কৰিব সেইদিনটোত ৷
মুখ্যমন্ত্ৰীগৰাকীয়ে কয় যে এই গোটেই গছপুলি ৰোপণ প্ৰক্ৰিয়াটোত মুঠ ৪৭ কোটি টকা খৰছ হ’ব ৷ বন বিভাগৰ দ্বাৰা গছপুলিবোৰ এনেদৰে যোগাৰো কৰা হৈছে যাতে ডাঙৰ হৈ এই গছবোৰে অৰ্থনৈতিক ভাৱেও ৰাজ্যৰ জনসাধাৰণক সহায় কৰে ৷ সংবাদমেলৰ শেষত কাজিৰঙাৰ বিষয়ে প্ৰস্তুত কৰা এখন কফে টেবুল বুকো উন্মোচন কৰে মুখ্যমন্ত্ৰীগৰাকীয়ে ।
লগতে পঢ়ক: INDIA Row: INDIA বুলি কোৱাৰ পূৰ্বে ‘ভাৰত’ বুলি কম, ইয়াত বিতৰ্ক নাই; হিমন্ত বিশ্ব শৰ্মা
