টীয়ক,7 জানুৱাৰী: যোৰহাট জিলাৰ টীয়কত বুধবাৰে নিশা আৰক্ষীয়ে অভিযান চলাই জব্দ কৰে আঠখন কয়লা ভৰ্তি ট্ৰাক ৷ ঘটনাৰ বিৱৰণী অনুসৰি, টীয়ক আৰক্ষীয়ে গোপন সূত্ৰৰ পৰা লাভ কৰা তথ্যৰ ভিত্তিত নিমনাগড় আৰু গেলেকীৰ পৰা অহা এই কয়লা ভৰ্তি ট্ৰাককেইখন জব্দ কৰে ৷ আৰক্ষী সূত্ৰই প্ৰকাশ কৰা অনুযায়ী এই ট্ৰাকসমূহৰ নাই কোনো বৈধ নথিপত্ৰ ৷
উল্লেখ্য যে, টীয়ক থানাৰ ভাৰপ্ৰাপ্ত আৰক্ষী বিষয়া সতীশ চাহুৰ নেতৃত্বত চলিছিল এই অভিযান ৷ আৰক্ষীয়ে ট্ৰাক কেইখন জব্দ কৰি চালক কেইজনক আটক কৰে যদিও দুজন চালকে ৰাজপথতে ট্ৰাক এৰি পলায়ন কৰে ৷ জব্দ কৃত ট্ৰাক কেইখনৰ নম্বৰ হৈছে- এএছ 01 বিচি 9240, এএছ 09 চি 4517, এএছ 23 এচি 4991, এএছ 01 এলচি 6251, এএছ 17 চি 1192, এএছ 03 এছি 8453, এএছ 01 কেচি 1945 আৰু এএছ 17 চি 3564 ৷
লগতে চাওকঃ উইলছন হত্যাকাণ্ডৰ লগত জড়িত অভিযুক্তক গ্ৰেপ্তাৰ NIAৰ
