হোজাই, 16 জানুৱাৰী : হিন্দুত্ববাদী নেতা সত্যৰঞ্জন বৰাক আক্ৰমণৰ অভিযোগত দুজনক আটক ৷ লংকা আৰক্ষীয়ে সত্যৰঞ্জন বৰাৰ এজাহাৰৰ ভিত্তিত আটক কৰিছে লোক দুজনক ৷ আটকাধীন লোক দুজন লংকাৰ লস্কৰ পথাৰৰ মহম্মদ হাফিজ আহমেদ আৰু মহম্মদ এমৰুল হুছেইন ৷ বৰ্তমান দুয়োকে জেৰা চলাই আছে লংকা আৰক্ষীয়ে ৷
উল্লেখ্য যে, শুকুৰবাৰে লস্কৰ পথাৰত আক্ৰমণৰ সন্মুখীন হৈছিল সত্যৰঞ্জন বৰা ৷ শুকুৰবৰীয়া নামাজৰ পৰা ওলাই অহা একাংশ লোকে এখন সভাত অংশ ল’বলৈ গৈ থকা অৱস্থাত হিন্দুত্ববাদী নেতাগৰাকীক আক্ৰমণ কৰাৰ অভিযোগ উত্থাপন হৈছে ৷ ঘটনাৰ সন্দৰ্ভত আৰক্ষী থানাত গোচৰ ৰুজু কৰিছিল সত্যৰঞ্জন বৰাই ৷ আনহাতে হোজাই জিলাৰ আৰক্ষী অধীক্ষকগৰাকীয়ে সত্যৰঞ্জন বৰাক ধৰ্মীয় বিষবাষ্প নিবিয়পাবলৈ এক প্ৰকাৰৰ ধমক দিয়া বুলিও অভিযোগ তুলিছে নেতাগৰাকীয়ে ৷ এই সন্দৰ্ভত আৰক্ষী অধীক্ষকৰ বিৰুদ্ধে প্ৰতিবাদ সাব্যস্ত কৰা পৰিলক্ষিত হয় সত্যৰঞ্জন বৰা আৰু একাংশ সমৰ্থক ৷
লগতে পঢ়ক : তিনিচুকীয়াটো আৰম্ভ হ'ল কোভিড-19 প্ৰশমনৰ টীকাকৰণ
