হোজাই, 5 আগষ্ট: অযোধ্যাৰ ৰাম মন্দিৰৰ আধাৰশিলা স্থাপনৰ অৰ্থে আয়োজিত ভূমি পূজনক কেন্দ্ৰ কৰি পৰিলক্ষিত হৈছে ব্যাপক উৎসাহ-উদ্দীপনা ৷ ৰাম জন্মভূমিৰ লগতে ৰাজ্যৰ ভিন্ন প্ৰান্ততো দেখিবলৈ পোৱা গৈছে ভূমি পূজনৰ শুভ সম্পাদনৰ বাবে পূজা-অৰ্চনা ৷ বুধবাৰে হোজাইৰ বিধায়ক শিলাদিত্য দেৱৰ বাসগৃগৰ লগতে, নলবাৰীৰ বিধায়ক অশোক শৰ্মাৰ উদ্যোগত দেখিবলৈ পোৱা গ'ল ভূমি পূজনৰ সফল ৰূপায়নৰ তৎপৰতা ৷ অযোধ্যাৰ পৰা অনা ৰাম মূৰ্তিৰে সোমবাৰে হোজাই বিধায়ক শিলাদিত্য দেৱে নিজৰ বাসগৃহত অনুষ্ঠিত কৰিলে শ্ৰীৰামৰ মূৰ্তি স্থাপন কৰি এভাগ পূজা ৷
নলবাৰী: আনহাতে নলবাৰীৰ বিধায়ক অশোক শৰ্মাৰ উদ্যোগত নলবাৰীতো ৰাম মন্দিৰৰ আধাৰশিলা স্থাপনৰ সফল ৰূপায়নৰ বাবে, খাৰজাৰাৰ দুধনাথ বিগ্ৰহত হোম যজ্ঞ অনুষ্ঠিত কৰা হয় ৷ ৰাম মন্দিৰ নিৰ্মাণৰ শিলান্যাস যাতে সূচাৰুৰূপে সমাপন হয় তাৰ বাবে বুধবাৰে খাৰজাৰাৰ দুধনাথ বিগ্ৰহত অনুষ্ঠিত হোম যজ্ঞত উপস্থিত থাকি নেদেখা জনৰ ওচৰত প্ৰাৰ্থনা কৰিলে ৰাইজে ৷
লগতে পঢ়ক: দিনটোৰ গুৰুত্বপূৰ্ণ ৰাষ্ট্ৰীয় ইভেন্টসমূহ...
