'হিমন্ত বিশ্ব শৰ্মা নৰ্দমাত থকা বিজানু', প্ৰদ্যুৎ বৰদলৈ

প্ৰাৰ্থী গৰাকীয়ে  হিমন্ত বিশ্ব শৰ্মাক নিম্ন পৰ্যায়ৰ উগ্ৰ সাম্প্ৰদায়িক নেতা, তেওঁ মানুহক ভাগ ভাগ কৰিছে, তেওঁ প্ৰতিটো কথাতে হিন্দু মুছলমানৰ কথা কয় | তেওঁৰ গাত ভাৰতীয় সংস্কাৰ নাই বুলিও কঠোৰ ভাষাৰে সমালোচনা কৰে

হোজাই, 13 এপ্ৰিলঃ 'হিমন্ত বিশ্ব শৰ্মা নৰ্দমাত থকা বিজানু' এই মন্তব্য কংগ্ৰেছী নেতা প্ৰদ্যুৎ বৰদলৈৰ৷ শনিবাৰে হোজাইৰ লংকাত অনুষ্ঠিত কংগ্ৰেছী নিৰ্বাচনী সভাত অংশ গ্ৰহণ কৰি এই মন্তব্য কৰে ১০ নং সাংসদীয় লোকসভা সমষ্টিৰ কংগ্ৰেছ দলৰ মনোনীত প্ৰাৰ্থী প্ৰদ্যুত বৰদলৈয়ে ৷ লগতে প্ৰাৰ্থী গৰাকীয়ে হিমন্ত বিশ্ব শৰ্মাক নিম্ন পৰ্যায়ৰ উগ্ৰ সাম্প্ৰদায়িক নেতা, তেওঁ মানুহক ভাগ ভাগ কৰিছে, তেওঁ প্ৰতিটো কথাতে হিন্দু মুছলমানৰ কথা কয় | তেওঁৰ গাত ভাৰতীয় সংস্কাৰ নাই বুলিও কঠোৰ ভাষাৰে সমালোচনা কৰে ৷ তাৰোপৰি বিজেপি দলে ৰাইজক সাপ হৈ খোটে আৰু বেজ হৈ জাৰে বুলিও কটাক্ষ কৰে৷