সৰুপথাৰ,৩ জুন: ক'ভিডত আক্ৰান্ত হৈ মৃত্যু হোৱা লোকৰ সংখ্যা প্ৰতিদিনে বাঢ়িছে । পূৰ্বতকৈ কিছু হ্ৰাস হ'লেও প্ৰতিদিনে ৰাজ্যত অৰ্ধশতাধিকৰ মৃত্যু হোৱা দেখা গৈছে । কৰ'ণাত আক্ৰান্ত হৈ গোলাঘাট জিলাৰ বৰপথাৰ মৌজাৰ অন্তৰ্গত বাৰমুখীয়া গাঁৱৰ নিবাসী মুক্তিযুঁজাৰু ঘন মহন্তৰ পুত্ৰ তথা বাৰমুখীয়া উচ্চ মাধ্যমিক বিদ্যালয়ৰ সহকাৰী শিক্ষক দুষ্মন্ত মহন্তৰ মৃত্যু । বুধবাৰে গোলাঘাটৰ ক'ভিড চিকিৎসালয়ত মৃত্যু হয় শিক্ষকগৰাকীৰ । তেওঁ বিগত চাৰিদিন ধৰি গোলাঘাট ক'ভিড চিকিৎসালয়ত চিকিৎসাধীন হৈ আছিল ।
জানিব পৰা মতে দুষ্মন্তৰ ৬ জনীয়া পৰিয়ালটোৰ প্ৰতিজনেই বৰ্তমান ক'ভিড-১৯ত আক্ৰান্ত হৈ আছে । শিক্ষক গৰাকীৰ মৃত্যুত বিভিন্ন দল-সংগঠনে শোক প্ৰকাশ কৰিছে । তেওঁৰ মৃত্যুত শোকস্তব্ধ হৈ পৰিছে সমগ্ৰ অঞ্চল ।
