বন বিভাগৰ তৎপৰতাত জব্দ বৃহৎ পৰিমাণৰ কাঠৰ কুণ্ডা

ৰাজ্যৰ শেহতীয়া পৰিস্থিতিৰ সুযোগ গ্ৰহণ কৰি গোৱালপাৰা জিলাত ব্যাপক হাৰত অব্যাহত আছে চোৰাং কাঠৰ ৰমৰমীয়া বেহা ৷ জিলাখনৰ ভিন্ন প্ৰান্তত ধাৰাবাহিকভাৱে চলি থকা এই অবৈধ ব্যৱসায়ৰ বিৰুদ্ধে অৱশেষত সৰৱ হৈ পৰিল বন বিভাগ ৷ বন বিভাগে এক অভিযানৰ জৰিয়তে জব্দ কৰে অবৈধ কাঠৰ কুণ্ডাসহ চাৰিখন কুণ্ডা কঢ়িওৱা বাহন ৷

বকো,28 জুলাই: একাংশৰ বাবে কৰ’ণা ভাইৰাছৰ সংক্ৰমণৰ পৰিপ্ৰেক্ষিতত জাৰি কৰা লক ডাউন ৰূপান্তৰিত হৈছে একপ্ৰকাৰ আশীৰ্বাদলৈ ৷ ৰাজ্যৰ শেহতীয়া পৰিস্থিতিৰ সুযোগ গ্ৰহণ কৰি গোৱালপাৰা জিলাত ব্যাপক হাৰত অব্যাহত আছে চোৰাং কাঠৰ ৰমৰমীয়া বেহা ৷ জিলাখনৰ ভিন্ন প্ৰান্তত ধাৰাবাহিকভাৱে চলি থকা এই অবৈধ ব্যৱসায়ৰ বিৰুদ্ধে অৱশেষত সৰৱ হৈ পৰিল বন বিভাগ ৷ বন বিভাগে এক অভিযানৰ জৰিয়তে জব্দ কৰে অবৈধ কাঠৰ কুণ্ডাসহ চাৰিখন কুণ্ডা কঢ়িওৱা বাহন ৷

মঙলবাৰে জিলাখনৰ ৰংজুলিৰ শিমলীতোলা আৰু ধূপধৰাত ৰংজুলি আঞ্চলিক বন বিষয়া বলেন দাসৰ নেতৃত্বত বন বিভাগৰ এটা দলে চলোৱা অভিযানত জব্দ কৰিবলৈ সক্ষম হয় মূল্যবান শাল গছৰ কুণ্ডাসহ কেইবাখনো বাহন ৷ অভিযানকাৰী দলটোৱে জব্দ কৃত কুণ্ডা সমূহৰ বজাৰ মূল্য প্ৰায় দুই লক্ষাধিক টকা হ’ব বুলি জানিবলৈ দিয়ে ৷

লগতে চাওকঃ ৰাজ্যত বানত নিহতৰ সংখ্যা 103 গৰাকীলৈ বৃদ্ধি