গোৱালপাৰা , 25 এপ্ৰিল : গোৱালপাৰা জিলাৰ কৃষ্ণাইত দুই অপহৰণকাৰী মাক-পুত্ৰক আটক৷ হাঁহিমৰ পৰা উদ্ধাৰ অপহৃত নাবালিকা৷ গোৱালপাৰা জিলাৰ কৃষ্ণাইৰ পৰা বুধবাৰে অপহৃত হোৱা নাবালিকা জনীক বৃহস্পতিবাৰে স্থানীয় আৰক্ষীয়ে উদ্ধাৰ কৰিবলৈ সক্ষম হয় ৷
লগতে পঢ়ক : ১৪ এপ্ৰিলত তালাপৰ ডকাইটি কাণ্ডৰ লগত জড়িত ৭ জনক আটক
উল্লেখ্য যে , কালি 24 এপ্ৰিল তাৰিখে মাকৰ লগত কৃষ্ণাইৰ বুধবৰীয়া সাপ্তাহিক বজাৰত বজাৰ কৰিবলৈ অহি অপহৃত হৈছিল দহ বছৰীয়া নাবালিকাগৰাকী ৷ ঘটনাৰ পাচতে নাবালিকাগৰাকীৰ মাকে কৃষ্ণাই আৰক্ষীক সমগ্ৰ ঘটনা অবগত কৰে ৷ ইয়াৰ পাচতে আৰক্ষীয়ে অতি তৎপৰতাৰে অভিযান আৰম্ভ কৰি বৃহস্পতিবাৰে পুৱতি নিশা কামৰূপ জিলাৰ বকোৰ সীমান্তৱৰ্তী হাঁহিমৰ পৰা নাবালিকা জনীক উদ্ধাৰ কৰিবলৈ সক্ষম হয় ৷ ইয়াৰ লগতে এই অপহৰণ কাণ্ডত জড়িত দুই অপহৰণকাৰীকো আটক কৰিবলৈ সক্ষম হয় ৷ সমন্ধত মাতৃ পুত্ৰ এই অপহৰণকাৰী দুগৰাকীৰ নাম নৰভূমিক মাৰাক আৰু চিংচেং মাৰাক বুলি আৰক্ষীয়ে জনাইছে । আৰক্ষীয়ে আটক কৰা অপহৰণকাৰীদ্বয়ৰ ঘৰ চুকুনীয়া পাৰাত বুলি জানিব পৰা গৈছে৷ সম্প্ৰতি আৰক্ষীয়ে দুয়ো অপহৰনণকাৰী মাতৃ পুত্ৰক মাৰাথান জেৰা অব্যাহত ৰাখিছে।
