হোজাই,28 নৱেম্বৰ : লামডিঙত দিনক দিনে বৃদ্ধি পাইছে গৰু চোৰৰ উপদ্ৰৱ ৷ শনিবাৰে লামডিঙত দিন দুপৰতে ৰাইজৰ ৰোষত পৰিল গৰু চোৰ ৷ লামডিং নিউ কলনি অঞ্চলত এ এছ-02 এ চি-3248 নম্বৰৰ বাহনখনত তিনিজনীয়া গৰু সৰবৰাহকাৰীৰ এটা দলে গৰু চুৰি কৰিবলৈ আহি ৰাইজৰ হাতত ধৰা পৰে ৷ দীৰ্ঘদিনৰ পৰা গৰু চোৰে ত্ৰাসৰ সৃষ্টি কৰিছিল অঞ্চলটোত ৷
উল্লেখ্য যে, বাহনখনত থকা লামডিং বৰবস্তিৰ বিধান দাস নামৰ চোৰ এটাক গাড়ীসহ স্থানীয় ৰাইজে আটক কৰে যদিও দুজন পলাই যাবলৈ সক্ষম হয় ৷ স্থানীয় ৰাইজে আটক কৰা চোৰটোক লামডিং আৰক্ষীৰ হাতত গতাই দিয়ে ৷ সম্প্ৰতি ঘটনা সন্দৰ্ভত তদন্ত আৰম্ভ কৰিছে আৰক্ষীয়ে ৷
