ডিব্ৰুগড়, 12 ফেব্ৰুৱাৰী : বিধানসভা নিৰ্বাচনক লৈ ব্যাপক তৎপৰ হোৱা পৰিলক্ষিত হৈছে অসমৰ ৰাজনৈতিক দল সমূহ ৷ প্ৰতিটো দলে বিভিন্ন মাধ্যমৰ জৰিয়তে নিৰ্বাচনী প্ৰচাৰ আৰম্ভ কৰিছে ৷ আনকি, নিৰ্বাচনত প্ৰতিদ্বন্দিতা কৰিব বিচৰা সম্ভাব্য প্ৰাৰ্থীসমূহেও এক প্ৰকাৰ প্ৰচাৰ আৰম্ভ কৰিছে ৷
ব্যতিক্ৰমী ৰূপত ডিব্ৰুগড় জিলা পিছপৰা শ্ৰেণীৰ উন্নয়ন বৰ্ডৰ অধ্যক্ষ
শুকুৰবাৰে ব্যতিক্ৰমী ৰূপত দেখা গল ডিব্ৰুগড় জিলা অন্যান্য পিছপৰা শ্ৰেণীৰ উন্নয়ন বৰ্ডৰ অধ্যক্ষ প্ৰশান্ত গগৈক । ডিব্ৰুগড়ৰ মৰাণ বিধানসভা সমষ্টিৰ অন্তৰ্গত খোৱাং উচ্চতৰ মাধ্যমিক বিদ্যালয়ত বৃহস্পতিবাৰে প্ৰায় 500 ছাত্ৰ-ছাত্ৰীৰ মাজত বিতৰণ কৰিলে শিক্ষা সম্বলিত সামগ্ৰী । আনহাতে, এই অনুষ্ঠানতেই ছাত্ৰ-ছাত্ৰীসকলৰ মাজত অনুষ্ঠিত কৰিলে বিভিন্ন ধৰণৰ প্ৰতিযোগিতা ৷
লগতে পঢ়ক : বাঙালী যুৱ ছাত্ৰ ফেডাৰেচনৰ সভাপতিক প্ৰাণে মৰাৰ ভাবুকি বিজেপি কৰ্মীৰ
