ধুবুৰী, 30 নৱেম্বৰ: সম্প্ৰতি বাৰুকৈয়ে চিন্তিত হৈ পৰিছে এন আৰ চিত নাম অন্তৰ্ভূক্ত নোহোৱা লোক সকল ৷ তেনে সময়তে ধুবুৰীত এন আৰ চিত নাম অন্তর্ভূক্তিৰ আশ্বাসেৰে, একাংশ লোকৰ পৰা অবৈধভাৱে ধন সংগ্ৰহ কৰাৰ অভিযোগ উঠিছে এটা চক্ৰৰ বিৰুদ্ধে ৷
ধুবুৰী পৌৰসভাৰ 3নং ৱাৰ্ডৰ বিৱেকানন্দ পথৰ প্ৰায় এশটা পৰিয়ালৰ পৰা এচাম অচিনাক্ত ব্যক্তিয়ে এন আৰ চিত নাম অন্তর্ভূক্তিৰ প্ৰতিশ্ৰুতিৰে সংগ্ৰহ কৰিছে ধন ৷ উল্লেখিত ৱাৰ্ডৰ কেইগৰাকীমান ব্যক্তিয়ে ঘটনা সম্পৰ্কে, ধুবুৰী সদৰ থানাত এখন এজাহাৰ দাখিল কৰিছে ৷
এজাহাৰৰ ভিত্তিত ইতিমধ্যে ছফিউল হক, জহিৰুল ইছলাম আৰু জয়ন্ত ঘোষ নামৰ তিনিগৰাকী ব্যক্তিক আটক কৰি জেৰা অব্যাহত ৰাখিছে যদিও, ঘটনা সন্দৰ্ভত বৰ্তমানলৈ কোনো তথ্য সদৰী কৰা নাই আৰক্ষীয়ে ৷
আটকাধীন তিনিওজন অভিযুক্তৰ ঘৰ ধুবুৰীত বুলি জানিব পৰা গৈছে ৷
লগতে পঢ়ক: পঁচা চাউলেৰে চলিছে গোৱালপাৰাৰ সংহত শিশু উন্নয়ন বিকাশ কেন্দ্ৰ
