বিলাসীপাৰাত বাইক দুৰ্ঘটনাত নিহত এজন

দুখন বাইকৰ মাজত মুখামুখি সংঘৰ্ষ হোৱাৰ ফলত এজন বাইক আৰোহী থিতাতে নিহত হোৱাৰ লগতে আন এজন গুৰুতৰভাৱে আঘাতপ্ৰাপ্ত হয় ৷

বিলাসীপাৰা , 06 জুন: ঈদৰ উছাহ-উদ্দীপনাৰ সময়তে বিলাসীপাৰাৰ লক্ষীগঞ্জত শোকাৱহ পথ দুৰ্ঘটনা সংঘটিত হয় ৷ দুখন বাইকৰ মাজত মুখামুখি সংঘৰ্ষ হোৱাৰ ফলত এজন বাইক আৰোহী থিতাতে নিহত হোৱাৰ লগতে আন এজন গুৰুতৰভাৱে আঘাতপ্ৰাপ্ত হয় ৷

বুধবাৰে নিশা 11 মান বজাত AS-17-G-3849 নম্বৰ হিৰো গ্লে'মাৰ বাইক এখনেৰে মমিনুৰ ইছলাম নামৰ বাইক আৰোহী জনে লক্ষীগঞ্জস্থিত নিজৰ বাসগৃহ অভিমুখে গৈ আছিল ৷ তেনে সময়তে বিলাসীপাৰা লক্ষীগঞ্জ উচ্চতৰ মাধ্যমিক বিদ্যালয়ৰ সন্মুখত পিছ পিনৰ পৰা তীব্ৰ গতিত অহা আন এখন নম্বৰ বিহীন গ্লে'মাৰ বাইকে প্ৰচণ্ড জোৰে মমিনুৰ ইছলামৰ বাইকত খুন্দা মাৰে ৷ দুৰ্ঘটনাটোৰ ফলত থিতাতে মমিনুৰৰ মৃত্যু হয় ৷ আনহাতে গুৰুতৰ ভাবে আঘাতপ্ৰাপ্ত মিৰাজুল হক'ক(26) | সংকটজনক অৱস্থাত গুৱাহাটী লৈ প্ৰেৰণ কৰা হয় ৷ মিৰাজুলৰ ঘৰ লক্ষীগঞ্জৰ ভাষানী গাঁৱত বুলি জানিব পৰা গৈছে ৷