বিলাসীপাৰা পূৱ, ১৪জুন : পূৱ বিলাসীপাৰাৰ চাপৰৰ ৰৌমাৰীস্থিত ১৭ নং ৰাষ্ট্ৰীয় ঘাইপথত সংঘটিত হৈছে এক ভয়ংকৰ পথ দুৰ্ঘটনা । বাইক আৰু মাৰুতি ৱেগ'নাৰ মাজত হোৱা মুখামুখি সংৰ্ঘষৰ ফলত দুৰ্ঘটনাটো সংঘটিত হয় । জানিব পৰা মতে, দুৰ্ঘটনাটোৰ ফলত দুজন বাইক আৰোহী গুৰুতৰভাৱে আহত হৈছে ৷ আহত বাইক আৰোহী দুজন ক্ৰমে ফজৰুল ইছলাম (ঘূনীমাৰী) আৰু নুৰুল আজাদ (খেলুৱাপাৰা) বুলি জানিব পৰা গৈছে ।
উল্লেখ্য যে, ৱেগনাৰখন বিলাসীপাৰা অভিমুখে গৈ থকাৰ সময়তে বহলপুৰ অভিমুখী বাইকখনৰ সৈতে সংঘৰ্ষ হয় ৷ দুৰ্ঘটনাগ্ৰস্ত মাৰুতিখনৰ নম্বৰ AS-15 E 6879 আৰু বাইকখনৰ নম্বৰ AS 25 D 6538 ৷ আহত ব্যক্তি দুজনৰ অৱস্থা অতি সংকটজনক বুলি জানিব পৰা গৈছে ৷ আহত দুয়োজনকে উন্নত চিকিৎসাৰ বাবে বৰপেটা মেডিকেল কলেজলৈ প্ৰেৰণ কৰা হৈছে ৷
