ধুবুৰী,21জুনঃ ধুবুৰী জিলাৰ তামাৰহাট থানাৰ অৰ্ন্তগত পাগলাহাট আৰক্ষী নিৰীক্ষণ চকী এলেকাৰ গদাধৰ নদীত সলীল সমাধি এজন 70 বছৰীয়া বৃদ্ধৰ । শনিবাৰে আবেলিৰ ভাগত এৰাল দিয়া গৰু লৈ গদাধৰ নদী পাৰ হৈ ঘৰলৈ অহাৰ সময়তে সংঘটিত হৈছিল এই অঘটন । ব্যক্তিগৰাকী গোলকগঞ্জ ৰাজহ চক্ৰৰ অন্তৰ্গত তথা পাগলাহাট আৰক্ষী নিৰীক্ষণ চকীৰ বালাসী গাওঁৰ বাসিন্দা ফুলবৰ আলী শ্বেখ বুলি জানিব পৰা গৈছে ৷
আনহাতে স্থানীয় ৰাইজে ততাতৈয়াকৈ পাগলাহাট আৰক্ষীক খবৰ দিয়াত আৰক্ষীয়ে ঘটনা স্থলীত উপস্থিত হৈ স্থানীয় ৰাইজৰ সহযোগত উদ্ধাৰ অভিযান চলায় যদিও এন্ধাৰ হোৱাত বিফল হয় উদ্ধাৰ অভিযান । শনিবাৰে পুৱাৰ ভাগত পুনৰ এচডিআৰএফয়ে ঘটনাস্থলীত উপস্থিত হৈ উদ্ধাৰ অভিযান আৰম্ভ কৰে । প্ৰায় এক ঘন্টা ধৰি চলোৱা উদ্ধাৰ অভিযানৰ অন্তত পুৱা ন বজাত ফুলবৰ আলীৰ মৃতদেহ উদ্ধাৰ কৰিবলৈ সক্ষম হয় ।
ইপিনে পাগলাহাট আৰক্ষীয়ে ফুলবৰ আলীৰ মৃত দেহটো মৰনোত্তৰ পৰীক্ষাৰ বাবে ধুবুৰী চিকিৎসালয়লৈ প্ৰেৰণ কৰে । বৃদ্ধগৰাকীৰ মৃতদেহ উদ্ধাৰ হোৱাৰ পিছতেই শোকাকুল পৰিৱেশৰ সৃষ্টি হয় অঞ্চলটোত । মৃত্যুৰ সময়ত ফুলবৰ আলী শ্বেখে পত্নীৰ সৈতে তিনিটা পুত্ৰৰ সৈতে দুজনী ছোৱালী এৰি থৈ যায় ইহ সংসাৰত ।
লগতে পঢকঃ আঙুৰলতা ডেকাক লৈ অশালীন মন্তব্য কৰি ৰঙাঘৰলৈ দুজন
