ধুবুৰী,14 ফেব্ৰুৱাৰী: দক্ষিণ শালমাৰা-মানকাচৰ জিলাৰ দক্ষিণ শালমাৰা থানাৰ অন্তৰ্গত ধেনাকুটি গাঁৱত গাঞ্জা খেতিৰ বিৰুদ্ধে আৰক্ষীৰ অভিযান ৷ গাঁৱখনৰ বাসিন্দা হাফিজুৰ আলী নামৰ লোকগৰাকীৰ ঘৰত দক্ষিণ শালমাৰা আৰক্ষীয়ে অভিযান চলাই জব্দ কৰে বৃহৎ পৰিমাণৰ গাঞ্জা ৷ লগতে জুই জ্বলাই বিনষ্ট কৰে এই খেতি ৷ তদুপৰি এই খেতি কৰা কেৰামত আলী নামৰ ব্যক্তিগৰাকীক কৰায়ত্ত কৰে ৷
উল্লেখ্য যে, দক্ষিণ শালমাৰাৰ ভিতৰুৱা চৰাঞ্চলৰ একাংশ লোকে গোপনে দীৰ্ঘদিনৰ পৰা গাঞ্জা খেতি কৰি আহিছে । পূৰ্বতেও স্থানীয় লোকৰ সহযোগত আৰক্ষীয়ে গাঞ্জা খেতিৰ বিৰুদ্ধে অভিযান চলাইছিল ৷ সম্প্ৰতি দক্ষিণ শালমাৰা আৰক্ষীয়ে ইয়াৰ বিৰুদ্ধে অভিযান অব্যাহত ৰাখিছে ।
লগতে পঢ়ক:কানাড়া বেংকৰ পৰা 1.50 কোটি টকা হৰলুকিৰ অভিযোগ
