ধেমাজিত ধুমুহা-বৰষুণত বিস্তৰ ক্ষতি

নিমিষতে কেইবাটাও বাসগৃহ আৰু ভঁৰাল সমপূৰ্ণৰূপে বিধ্বস্ত হৈ যায় ৷ ইপিনে ধুমুহা বৰষুণে ঘৰৰ টিন-বেৰ উৰুৱাই নিয়াৰ ফলত আশ্ৰয়হীন হৈ পৰা পৰিয়ালসমূহৰ মাজত বৰ্তমান সৃষ্টি হৈছে হাহাকাৰ পৰিস্থিতি ৷

ধেমাজি, 21 জুলাই: বানৰ সমান্তৰাকৈ এইবাৰ ধুমুহাই তাণ্ডব চলাইছে ধেমাজিত ৷ বাঢ়নী পানীৰ পৰিমাণ ক্ৰমান্বয়ে হ্ৰাস পাবলৈ আৰম্ভ কৰাৰ সময়তে শনিবাৰে পুৱতি নিশা অহা প্ৰবল বৰষুণ আৰু ধুমুহাই ধেমাজিৰ বাটঘৰীয়া পঞ্চায়তৰ কেইবাখনো গাঁৱত বিস্তৰ ক্ষতিসাধন কৰে ৷

বাটঘৰীয়া পঞ্চায়তৰ বৰঢেকেৰা গাঁৱৰ কেইবাঘৰৰ ঘৰ-ভৰাল তচ- নচ কৰি থৈ যায় ধুমুহাজাকে ৷ তদুপৰি বাটঘৰীয়াৰ পাৰ্শ্বৱতী গাঁওসমূহতো প্ৰভাৱ পৰে ধুমুহাজাকৰ ৷ নিমিষতে কেইবাটাও বাসগৃহ আৰু ভঁৰাল সমপূৰ্ণৰূপে বিধ্বস্ত হৈ যায় ৷ ইপিনে ধুমুহা বৰষুণে ঘৰৰ টিন-বেৰ উৰুৱাই নিয়াৰ ফলত আশ্ৰয়হীন হৈ পৰা পৰিয়ালসমূহৰ মাজত বৰ্তমান সৃষ্টি হৈছে হাহাকাৰ পৰিস্থিতি ৷ সেয়ে ক্ষতিগ্ৰস্ত পৰিয়ালসমূহে তৎকালে চৰকাৰ আৰু সংশ্লিষ্ট বিভাগক সুদৃষ্টি দিবলৈ অনুৰোধ জনাইছে ৷