জোনাই, ২৮ মে': ৰাজ্যত অব্যাহত আছে ক'ভিড-১৯ৰ সংহাৰ । দৈনিক আক্ৰান্তৰ সংখ্যা হ্ৰাস পাইছে যদিও হ্ৰাস পোৱা নাই মৃত্যুৰ হাৰ । ৰাজ্য চৰকাৰে মহামাৰীৰ সংক্ৰমণ ৰোধৰ বাবে কেতবোৰ কঠোৰ পদক্ষেপো গ্ৰহণ কৰিছে । প্ৰশাসনে নিৰ্দিষ্ট সময়ৰ বাবে সান্ধ্য আইন জাৰি কৰিছে ।
এতিয়া আইন উলংঘাকাৰীৰ বিৰুদ্ধে জোনাই মহকুমা প্ৰশাসন আৰু আৰক্ষী সষ্টম হৈ পৰিছে । মাস্ক নিপিন্ধাকৈ যাতে কোনো লোক বাহিৰলৈ ওলাই নাহে, তাৰ ওপৰতো তীক্ষ্ণ দৃষ্টি ৰাখিছে আৰক্ষীয়ে । জোনাই আৰক্ষীয়ে নিয়ম নমনা লোকৰ পৰা এতিয়ালৈকে ১১,৫০০ টকা জৰিমনা সংগ্ৰহ কৰিছে ৷
জোনাইৰ জনবহুল ঠাইসমূহত ইতিমধ্যে স্থানীয় যানবাহন আৰক্ষীয়ে ৰাইজক, মাস্ক পৰিধান কৰিবলৈ, সামাজিক ব্যৱধান মানি চলিবলৈ আৰু ছেনিটাইজাৰ ব্যৱহাৰ কৰিবলৈ আহ্বান জনাই সজাগ কৰাৰ প্ৰয়াস কৰিছে ।
লগতে পঢ়ক:প্ৰহসনত পৰিণত অভয়াপুৰীৰ জলসিঞ্চন বিভাগৰ কোটি টকীয়া আঁচনি
