চিৰাং, 7 ফেব্ৰুৱাৰী : শনিবাৰে নিশা চিৰাং জিলাৰ দুটাকৈ অঞ্চলত ভয়ংকৰ অগ্নকাণ্ড সংঘটিত হয় ৷ জিলাখনৰ চিদলী থানাৰ অন্তৰ্গত ভূটীয়াপাৰা কাশিবাৰীৰ সুমেন বসুমতাৰীৰ ঘৰত বৈদ্যুতিক শ্বৰ্ট চাৰ্কিটৰ ফলত সংঘটিত হয় এক অগ্নিকাণ্ড ৷ অগ্নিকাণ্ডৰ ফলত সুমেন বসুমতাৰীৰ ঘৰটো সম্পূৰ্ণৰূপে ভষ্মীভূত হয়। উক্ত অগ্নকাণ্ডত লক্ষাধিক টকাৰ সা-সম্পত্তি জুইত জাহ বুলি জানিবলৈ দিছে পৰিয়ালৰ লোকে ৷
ইফালে, দেওবাৰে ৰাতিপুৱা চিৰাঙৰ বিজনী দাৰেঙাত আন এটা অগ্নিকাণ্ডৰ ঘটনা সংঘটিত হয় । ২ নং দাৰেঙা নিবাসী হাৰিৰাম মণ্ডল নামৰ এজন ব্যক্তিৰ ঘৰত সংঘটিত হয় এই অগ্নিকাণ্ড ৷ উক্ত অগ্নিকাণ্ডৰ জুইত পৰিয়ালটোৰ এখন মটৰ চাইকেল জুইত জাহ যোৱাৰ লগতে লক্ষাধিক টকাৰ সম্পত্তিৰ ক্ষতিসাধন হোৱা বুলি জানিব পৰা গৈছে ৷
