গুৱাহাটী, 1 মে’: শুকুৰবাৰে দিছপুৰ আৰক্ষীয়ে গুৱাহাটীৰ ছুপাৰ মাৰ্কেটৰ পৰা আটক কৰে নুৰুল ইছলাম লস্কৰ নামৰ এটা প্ৰৱঞ্চকক ৷ আৰৱত চাকৰি দিয়াৰ নামত প্ৰৱঞ্চকটোৱে নিৱনুৱা যুৱকৰ পৰা লুটি আহিছিল বৃহৎ পৰিমাণৰ ধন ৷
আৰক্ষীয়ে প্ৰকাশ কৰা অনুসৰি আব্দুল ৰাহিম, আমিৰ আলী, ৰাহদীল্লা আনছাৰী, ইমৰণ হুছেইন, আতৱাৰ ৰহমান, ফাৰুক সোচ্চাইনৰ লগতে কেইবাগৰাকীও যুৱকে ধন লোৱাৰ সন্দৰ্ভত নুৰুলৰ বিৰুদ্ধে গোচৰ তৰিছিল ৷ প্ৰত্যেকগৰাকী যুৱকৰ পৰা 50-60 হাজাৰ টকা লোৱাৰ বুলিও প্ৰকাশ কৰে যুৱককেইগৰাকীয়ে ৷
চাকৰি নামত ধন লৈ ৰঙাঘৰৰ আলহী হ’ল এটা প্ৰৱঞ্চক
আব্দুল ৰাহিমৰ দিয়া এজাহাৰৰ ভিত্তিত দিছপুৰ আৰক্ষীয়ে নুৰুল ইছলাম লস্কৰক শুকুৰবাৰে আটক কৰি ভাৰতীয় দণ্ডবিধি আইনৰ অধীনত 1623/2019 430/406 নং এটা গোচৰ ৰুজু কৰে ৷
