উত্তৰ অভয়াপুৰী, ৮ জুন : বৰপেটা জিলাৰ সৰভোগ আৰক্ষী থানাৰ অন্তৰ্গত কিছমৎ দ্বাৰিকাত শনিবাৰে ৪:৩০ বজাত এক ভয়ংকৰ দুৰ্ঘটনা সংঘটিত হয় । এই দুৰ্ঘটনাত ৬ জনকৈ লোক গুৰুতৰভাৱে আহত হোৱাৰ লগতে দুজনৰ অৱস্থা সংকটজনক বুলি জানিব পৰা গৈছে । ৩১ নং ৰাষ্ট্ৰীয় ঘাইপথেৰে গৈ থকা এএছ ১৬ ডি ৯৯৯৯ নম্বৰৰ আই ২০ বাহন খনৰ আগ চকা ফুটি যোৱাত ডিভাইডাৰ পাৰ হৈ বিপৰীত দিশৰ পৰা অহা এএছ ১৫ চি ৫১২৩ নম্বৰৰ টাটা মেজিক এখনত খুন্দা মাৰে ।
সৰভোগত ভয়ংকৰ পথ দুৰ্ঘটনা : আহত ৬
আহত সকলক ততাতৈয়াকৈ স্থানীয় ৰাইজে মানিকপুৰ আদৰ্শ চিকিৎসালয়ত ভৰ্তি কৰোৱায় যদিও সংকটজনক অৱস্থাত থকা দুজনক উন্নত চিকিৎসাৰ বাবে বৰপেটা চিকিৎসা মহাবিদ্যালয়লৈ প্ৰেৰণ কৰা হয় । উল্লেখ্য যে, এই ভয়ংকৰ দুৰ্ঘটনাত আই ২০ বাহন খনৰ ইঞ্জিন খুলি ৩০ মিটাৰ দূৰৈত চিটিকি পৰে ।
