বৰপেটা,18 মেঃ বৰপেটাৰ জনীয়াত সুলভ মূল্যৰ দোকানীৰ বিৰুদ্ধে দুৰ্নীতিৰ অভিযোগ । ৰাষ্ট্ৰীয় খাদ্য সুৰক্ষা কাৰ্ডৰ বিপৰীতে চাউল যোগান ধৰাৰ নামত দুৰ্নীতি সংঘটিত কৰাৰ অভিযোগ উত্থাপিত হৈছে দোকানী ওচমান আলিৰ বিৰুদ্ধে । উল্লেখ্য যে, পশ্চিম জনীয়া সমবায় সমিতিৰ অধীনস্ত বিএছএম ২২/২০০৩/২৫৮/৫৯ নম্বৰৰ সুলভ মূল্যৰ দোকানী ওচমান আলীয়ে কাৰ্ড নথকা গ্ৰাহককো চাউল যোগান ধৰি আহিছে । আনহাতে, এই চাউলসমূহ দোকানী গৰাকীয়ে আত্মসাৎ কৰাৰ অভিযোগ উত্থাপিত কৰিছে স্থানীয় ৰাইজে । গ্ৰাহকসকলে চাউল বিচাৰি গ'লে অমাৰ্জিত ব্যৱহাৰ কৰাৰো অভিযোগ উত্থাপিত হৈছে দোকানীজনৰ বিৰুদ্ধে ।
ইয়াৰ উপৰিও নতুন কাৰ্ড বনোৱাৰ বাবদ 500ৰ পৰা 1000 টকা পৰ্যন্ত লৈছে ওচমান আলিয়ে । কিন্ত ইয়াৰ পিছতো কাৰ্ডৰ যোগান ধৰা নাই গ্ৰাহকসকলক । এই বিষয়ে ভোক্তভোগী গ্ৰাহকসকলে বৰপেটা অসামৰিক খাদ্য যোগান বিভাগৰ লগত যোগাযোগ কৰিও কোনো সুফল লাভ কৰা নাই । ইয়াৰ পিছতে ক্ষুদ্ধ গ্ৰাহক সকলে বালিকুৰি আৰক্ষী চকীৰ ভাৰপ্ৰাপ্ত বিষয়াক এই বিষয়ে অবগত কৰি এখন এজাহাৰ দাখিল কৰিছে ।
লগতে পঢ়ক-লকডাউন ৪.০ : কি কি নতুন নিয়মাৱলী !
