বাঁহৰ খুঁটাত উচ্চ ক্ষমতা সম্পন্ন বিদ্যুত পৰিবাহী তাঁৰ

বিগত এবছৰে বৰপেটা-দৌলাশাল-হাজো পথৰ গৰেমাৰী বজাৰত এইদৰে বাঁহৰ খুঁটাৰে বিপজ্জনকভাবে চলি আছে বিদ্যুৎ সেৱা । এইক্ষেত্ৰত দায়িত্বত থকা কনিষ্ঠ অভিযন্তা জাকিৰ হুছেইনক স্থানীয় লোকে বাৰম্বাৰ অৱগত কৰাৰ পিছতো অভিযন্তাগৰাকীয়ে কোনো গুৰুত্ব প্ৰদান নকৰাৰ অভিযোগ উত্থাপিত কৰিছে স্থানীয় লোকে ।

বৰপেটা, 4 জুন : পৰিবৰ্তনৰ শ্লোগান দিয়া চৰকাৰৰ উন্নয়নৰ নমুনা উদঙালে বৰপেটা শক্তি বিভাগে । বিভাগটোৰ গাফিলতিৰ ফলত প্ৰায় এবছৰে জিলাখনৰ সৰ্থেবাৰী ৰাজহ চক্ৰৰ অন্তৰ্গত গৰেমাৰীত বাঁহৰ খুটাৰে টনা হৈছে উচ্চ ক্ষমতাসম্পন্ন বিদ্যুতৰ তাঁৰ ৷ বিভাগটোৱে বিদ্যুতৰ খুটা যোগান নধৰাৰ ফলত অঞ্চলটোৰ বিদ্যুৎ পৰিবাহী তাঁৰবোৰ নিচেই তললৈ নামি অহা পৰিলক্ষিত হৈছে ৷ সেয়ে ৰাইজে শক্তি বিভাগক পকী খুটাৰ ব্যৱস্থা কৰিবলৈ অনুৰোধ জনাই যদিও বিভাগীয় কতৃপক্ষৰ গা নলৰাত ৰাইজে তললৈ নামি অহা তাঁৰসমূহ বাঁহৰ খুটাৰে ওপৰলৈ উঠাই ৰাখে ৷

লগতে পঢ়কঃ ধুবুৰী জিলাত ২১২ জনলৈ বৃদ্ধি কৰ'ণা আক্ৰান্তৰ সংখ্যা

বিগত এবছৰে বৰপেটা-দৌলাশাল-হাজো পথৰ গৰেমাৰী বজাৰত এইদৰে বাঁহৰ খুঁটাৰে বিপজ্জনকভাবে চলি আছে বিদ্যুৎ সেৱা । এইক্ষেত্ৰত দায়িত্বত থকা কনিষ্ঠ অভিযন্তা জাকিৰ হুছেইনক স্থানীয় লোকে বাৰম্বাৰ উক্ত বিষয় সন্দৰ্ভত অৱগত কৰাৰ পিছতো অভিযন্তাগৰাকীয়ে কোনো গুৰুত্ব প্ৰদান নকৰাৰ অভিযোগ উত্থাপিত কৰিছে স্থানীয় লোকে । ইয়াৰোপৰি শীঘ্ৰেই বাঁহৰ খুটাৰ সলনি পকী খুঁটা পুতিবলৈ স্থানীয় লোকে বিভাগীয় কতৃপক্ষৰ ওচৰত দাবী উত্থাপন কৰিছে ।