বৰপেটা ২৯ জুলাই: ৰাজ্যজুৰি জেহাদীৰ ভয়ংকৰ জাল ৷ ৰাজ্যত সঘনাই জেহাদী গ্ৰেপ্তাৰৰ ঘটনাই চকু কঁপালত তুলিছে ৰাজ্যবাসীৰ ৷ বিগত দুদিনত মৰিগাঁও আৰু বৰপেটা আৰক্ষীয়ে গ্ৰেপ্তাৰ কৰিলে বহুকেইজন জেহাদী ৷ বৃহস্পতিবাৰে বৰপেটা আৰক্ষীয়ে আটক কৰা 8 জেহাদীক শুকুৰবাৰে গ্ৰেপ্তাৰ কৰা বুলি জানিবলৈ দিয়ে (8 Jihadi arrested in Barpeta)৷
বুধবাৰে নিশা বৰপেটাৰ জনীয়া, সৰুক্ষেত্ৰী আৰু গুৱাহাটীৰ পৰা আটক কৰা 11 জেহাদীক সোধ পোছৰ অন্তত ইয়াৰে 8 জেহাদীক গ্ৰেপ্তাৰ কৰা বুলি আজি জানিবলৈ দিয়ে আৰক্ষী অধীক্ষক অমিতাভ সিনহাই (Police arrested suspected jihadi) ৷ ইপিনে আৰক্ষী অধীক্ষক অমিতাভ সিনহাই জনোৱা মতে আৰক্ষীয়ে অন্য তিনি জেহাদীক সোধপোছ অব্যাহত ৰাখিছে ৷
ধৃত 8 জেহাদী ক্ৰমে জুবেইৰ খান, ৰফিকুল ইছলাম, দেৱান হামিদুল ইছলাম, মইনুল হক, কাজিবুৰ হুছেইন, ছাহজাহান আলী, মজিবৰ ৰহমান আৰু ছাহনুৰ আলম ৷ ইয়াৰে 7 জনক বৰপেটাৰ জনীয়া আৰু সৰুক্ষেত্ৰীৰ বিভিন্ন গাঁৱৰ পৰা গ্ৰেপ্তাৰ কৰাৰ লগতে ছাহনুৰ আলমক গুৱাহাটীৰ হাতীগাঁৱৰ পৰা গ্ৰেপ্তাৰ কৰিছিল আৰক্ষীয়ে ৷
ধৃত জেহাদীকেইটাক জেহাদীকে বৰপেটা সদৰ থানাত C/No. 763/22 U/S 120(b)/121/121(A) IPC read with Sec 17/18/18(B)/19/20 UA(P) Act,1967.নম্বৰ গোচৰ মৰ্মে গ্ৰেপ্তাৰ কৰা হৈছে ৷
ইফালে বৃহস্পতিবাৰে মৰিগাঁও জিলাৰ মৈৰাবাৰীৰ নিকটৱৰ্তী চহৰীয়াগাঁৱৰ জমিউল হুদা নামৰ মাদ্ৰাছাখনত মৰিগাঁও জিলা আৰক্ষীয়ে অভিযান (Madrassa sealed in Morigaon)চলাই মাদ্ৰাছাখনৰ প্ৰধান মুফতি মুস্তাফাক জেহাদী সংগঠনৰ লগত সম্পৰ্ক থকাৰ সন্দেহত গ্ৰেপ্তাৰ কৰে আৰক্ষীয়ে ৷
আৰক্ষীয়ে জানিবলৈ দিয়া অনুসৰি, মুফতিৰ বেংক একাউণ্টত বাংলাদেশৰ আমিৰ উদ্দিন নামৰ এজন লোকৰ লগতে বিভিন্ন দেশৰ পৰা ধন সোমাৱাৰ তথ্য লাভ কৰিছিল (Police arrested Madrasa head Mufti Mustafa)৷ ইয়াৰ পূৰ্বেও মাদ্ৰাছাখন জেহাদী সংগঠনৰ লগত জড়িত বুলি অভিযোগ উত্থাপন কৰিছিল স্থানীয় লোকে (Jihadi activities from madrasa in Morigaon) ৷ মুফতিক সোধ পোছৰ পিছতে দুদিনৰ বাবে জেল হাজোতলৈ প্ৰেৰণ কৰে আৰক্ষীয়ে ৷
লগতে পঢ়ক: বৰপেটাত 7 জেহাদীক গ্ৰেপ্তাৰ আৰক্ষীৰ
