বাক্সাত নিখিল ৰাভা ছাত্ৰ সন্থাৰ উদ্যোগত ফেশ্বন শ্ব'

বৈসাগু উপলক্ষে অনুষ্ঠিত কৰা এই ফেশ্বন শ্ব'ত অংশগ্ৰহণ কৰে অঞ্চলটোৰ বহুলোকে ৷

বাক্সা, 27 এপ্ৰিলঃ বাক্সাৰ তামুলপুৰ মহকুমাৰ অন্তৰ্গত দলংপাৰা মধ্য ইংৰাজী বিদ্যালয় প্ৰাংগণত শুকুৰবাৰে উদযাপন কৰা হয় বৈসাগু উৎসৱ ৷ এই উৎসৱ উপলক্ষে নিখিল ৰাভা ছাত্ৰ সন্থাৰ উদ্যোগত আয়োজন কৰা হয় ফেশ্বন শ্ব' প্ৰতিযোগিতা ৷

ৰাভা জনগোষ্ঠীয় লোকসকলৰ পৰম্পৰাগত সাজপাৰ পৰিধান কৰি অঞ্চলটোৰ ৰাভা,বড়ো যুৱক-যুৱতীকে ধৰি শিশু সকলেও অংশগ্ৰহণ কৰে এই প্ৰতিযোগিতাত ৷ জনগোষ্ঠীটোৰ সুপ্ত প্ৰতিভাৰ বিকাশত সহায় হোৱাৰ লক্ষ্যৰে ছাত্ৰ সংগঠনটোৱে আয়োজন কৰে এই প্ৰতিযোগিতা ৷