বাক্সা,31 অক্টোবৰঃ বাক্সাৰ তামুলপুৰ মহকুমাৰ অন্তৰ্গত নতুন হাউলীৰ হাউলীখুটি গাঁৱৰ এটা দৰিদ্ৰ পৰিয়ালক প্ৰয়োজন চৰকাৰ তথা ৰাইজৰ সহায়। কিছুদিন পূৰ্বে পৰিয়ালটোৰ মুৰব্বী মনবাহাদুৰ বিষ্টো নামৰ লোকজনে কিডনী ৰোগত আক্ৰান্ত হৈ মৃত্যুক আঁকোৱালি লয়। তাৰ পিছতেই পত্নী আৰু একমাত্ৰ পুত্ৰৰ মূৰত সৰগ ভাঙি পৰে। পাচত স্থানীয় ৰাইজে দান বৰঙণিৰে মন বাহাদুৰৰ আদ্য শ্ৰাদ্ধ সম্পন্ন কৰে। তিনিজনীয়া পৰিয়ালটোক মন বাহাদুৰে কোনোমতে দুবেলা দুমুঠি খুৱাই আছিল যদিও তেওঁৰ মৃত্যুৰ পাচত এতিয়া পৰিয়ালটোক লৈ চিন্তিত হৈ পৰিছে স্থানীয় লোকসকল।
উল্লেখ্য যে অতিকৈ দৰিদ্ৰ পৰিয়ালটোৰ থাকিবৰ বাবে এটা গৃহৰ অভাৱ ৷ সেয়ে পৰিয়ালটোক শীঘ্ৰে চৰকাৰে সহায় কৰি এটা প্ৰধানমন্ত্ৰী আৱাস যোজনাৰ ঘৰ নিৰ্মাণ কৰি দিবলৈ ৰাইজে আহ্বান জনাইছে ।
লগতে পঢ়কঃকেনে আছে নিপন গোস্বামী ? কিয় বিচনাত দিন কটাবলগীয়া হৈছে অভিনেতাগৰাকীয়ে ?
