ৰাষ্ট্ৰীয় ক্ৰীড়া দিৱসত ধ্যান চান্দক স্মৰণ কিৰেণ ৰিজিজুৰ

মেজৰ ধ্যান চান্দ ৰাষ্ট্ৰীয় ষ্টেডিয়ামত দেশৰ হকী কিংবদন্তি মেজৰ ধ্যান চান্দক তেওঁৰ জন্ম তিথিত শ্ৰদ্ধাৰে স্মৰণ কৰে কেন্দ্ৰীয় যুৱ পৰিক্ৰমা তথা ক্ৰীড়া মন্ত্ৰী কিৰেণ ৰিজিজুৱে ৷

স্পৰ্টছ ডেস্ক, 29 আগষ্ট : দেশৰ কেন্দ্ৰীয় যুৱ পৰিক্ৰমা তথা ক্ৰীড়া মন্ত্ৰী কিৰেন ৰিজিজুৱে শনিবাৰে ভাৰতৰ অন্যতম হকী কিংবদন্তি খেলুৱৈ তথা অলিম্পিয়ান মেজৰ ধ্যান চান্দক তেওঁৰ 115সংখ্যক জন্ম তিথিত শ্ৰদ্ধাৰে সোঁৱৰণ কৰে ৷ মেজৰ ধ্যান চান্দ ৰাষ্ট্ৰীয় ষ্টেডিয়ামত থকা অলিম্পিয়ান তথা কিংবদন্তি হকী খেলুৱৈ মেজৰ ধ্যান চান্দৰ পূৰ্ণাংগ মূৰ্তিত শ্ৰদ্ধা অৰ্পন কৰে কেন্দ্ৰীয় মন্ত্ৰীগৰাকীয়ে ৷

দেশৰ প্ৰতি সন্মান কঢ়িয়াই আনিবলৈ এইগৰাকী মহান খেলুৱৈয়ে তেওঁৰ সৰ্বোচ্চ উজাৰি দিছিল আৰু অলিম্পিকত ভাৰতক পদক বিজয়ী কৰিবলৈ সক্ষম হৈছিল ৷ খেলুৱৈগৰাকীৰ হকীৰ প্ৰতি থকা আত্মসমৰ্পনৰ বাবে ভাৰতীয় স্থলসেনাই তেওঁক সন্মানজনকভাৱে মেজৰ হিচাপে নিযুক্তি দিছিল ৷

• On #NationalSportsDay paid floral tribute to Major Dhyan Chand on his birth anniversary today, at Major Dhyan Chand National Stadium. #MajorDhyanChand #NationalSportsDay2020 pic.twitter.com/e38ysutdjZ

  — Kiren Rijiju (@KirenRijiju) August 29, 2020 " class="align-text-top noRightClick twitterSection" data="

  On #NationalSportsDay paid floral tribute to Major Dhyan Chand on his birth anniversary today, at Major Dhyan Chand National Stadium. #MajorDhyanChand #NationalSportsDay2020 pic.twitter.com/e38ysutdjZ

  — Kiren Rijiju (@KirenRijiju) August 29, 2020

  ">

  On #NationalSportsDay paid floral tribute to Major Dhyan Chand on his birth anniversary today, at Major Dhyan Chand National Stadium. #MajorDhyanChand #NationalSportsDay2020 pic.twitter.com/e38ysutdjZ

  — Kiren Rijiju (@KirenRijiju) August 29, 2020

আনহাতে ৰিজিজুৱে ধ্যান চান্দক শ্ৰদ্ধা অৰ্পন কৰাৰ লগতে এতিয়াৰে পৰা ৰাষ্ট্ৰীয় ক্ৰীড়া দিৱসৰ সৈতে সংগতি ৰাখি প্ৰদান কৰা ৰাষ্ট্ৰীয় ক্ৰীড়া বঁটাৰ প্ৰাইজমানি বৃদ্ধি কৰাৰ কথা ঘোষণা কৰে ৷ অৰ্জুন আৰু খেল ৰত্ন বঁটাৰ প্ৰাইজমানি 15 লাখৰ পৰা 25 লাখলৈ বৃদ্ধি কৰাৰ কথা ঘোষণা কৰে কেন্দ্ৰীয় ক্ৰীড়ামন্ত্ৰীগৰাকীয়ে ৷

দেশৰ প্ৰখ্যাত কিংবদন্তি হকী খেলুৱৈ ধ্যান চান্দৰ 1905 চনত জন্ম হৈছিল আৰু হকীত তেওঁৰ যাদুকৰী কৌশলৰ বাবে সমগ্ৰ বিশ্বতে জনাজাত হৈ পৰিছিল ৷ তেওঁৰ নেতৃত্বতে ভাৰতীয় হকী দলে 1928, 1932 আৰু 1936 চনৰ অলিম্পিকত হকী খেলত সোণৰ পদক জয় কৰিবলৈ সক্ষম হৈছিল ৷ তেওঁৰ জন্ম দিৱসটো সমগ্ৰ দেশতে ৰাষ্ট্ৰীয় ক্ৰীড়া দিৱস হিচাপে উদযাপন কৰা হয় ৷

ৰাষ্ট্ৰীয় ক্ৰীড়া দিৱসৰ সৈতে সংগতি ৰাখি এই দিনটোতে প্ৰদান কৰা হয় ৰাষ্ট্ৰীয় ক্ৰীড়া বঁটা ৷ ৰাষ্ট্ৰীয় ক্ৰীড়া বঁটাৰ ভিতৰত ৰাজীৱ গান্ধী খেলৰত্ন বঁটা, অৰ্জুন বঁটা, দ্ৰোণাচাৰ্য বঁটা আৰু ধ্যান চান্দ বঁটা আছে আৰু ইয়াৰ দেশৰ ৰাষ্ট্ৰপতিয়ে বিভিন্ন খেলুৱৈসকলক প্ৰদান কৰে ৷

লগতে পঢ়ক : ৰাষ্ট্ৰীয় ক্ৰীড়া দিৱসত কোন খেলুৱৈয়ে লাভ কৰিব কি সন্মান !