স্পৰ্টছ ডেস্ক, 7 নৱেম্বৰ: প্ৰথমখন টি-20 ত দিল্লীৰ বায়ু প্ৰদূষণে বিধি-পথালি সৃষ্টি কৰাৰ জল্পনা-কল্পনাৰ পাচতে পুনৰ দ্বিতীয়খন টি-20 ত নামিছে অনিশ্চয়তা ৷ এইবাৰ ঘূৰ্ণী বতাহৰ কৱলত পৰাৰ সম্ভাৱনা ৰাজকোটত অনুষ্ঠিত হ’বলগীয়া মেচখন ৷ এই সন্দৰ্ভত হিমাংশু শ্বাহৰ সৈতে সাক্ষাৎকাৰ ইটিভি ভাৰতৰ সাংবাদিকৰ ৷
ৰাজকোটৰ বতৰৰ পৰিস্থিতি
সৌৰাষ্ট্ৰ ক্ৰিকেট এশ্ব’ছিয়েচনৰ সচিব হিমাংশু শ্বাহে কয়, মেচখন অনুষ্ঠিত কৰিবলৈ সম্পূৰ্ণ সাজু খেলপথাৰ ৷ ৰাজকোটত বুধবাৰে নিশা প্ৰৱল বৃষ্টিপাত হৈছিল যদিও বৰ্তমান গ্ৰাউণ্ড ষ্টাফে পানী নিৰ্গত কৰিবলৈ সক্ষম হৈছে বুলি উল্লেখ কৰে হিমাংশু শ্বাহে ৷
পিট্ছ আৰু খেলপথাৰৰ চাৰিওদিশ বৰ্তমান খেলৰ বাবে সম্পূৰ্ণ উপযোগী বুলি কয় সচিবগৰাকীয়ে ৷
