পুনৰ গোচৰ ৰুজু হোৱা আশংকা ছলমান খানৰ বিৰুদ্ধে

মঙলবাৰে জোধপুৰ কৃষ্ণষাড় হৰিণ চিকাৰত ব্যৱহৃত অস্ত্ৰৰ অনুজ্ঞাপত্ৰ হেৰোৱা বুলি মিছা শপত পত্ৰ দিয়া সন্দৰ্ভত শুনানিৰ দিন ধাৰ্য কৰা হৈছিল ৷ য'ত ছলমানৰ অধিবক্তাই ন্যায়ালয়ত মন্তব্য কৰে যে, ছলমান খানে কোনো এনে মন্তব্য কৰা নাছিলে যাৰ বাবে তেওঁ মিছা শপত গ্ৰহণ পত্ৰ দিবলগীয়া হৈছে

নিউজ ডেস্ক, 12 জুন: পুনৰ গোচৰৰ সন্মুখীন হ'ব পাৰে বলিউডৰ ডাবাংগ ছলমান খান ৷ 1998 চনৰ জোধপুৰত কৃষ্ণষাড় হৰিণ চিকাৰৰ ঘটনাত অন্য এক গোচৰ ৰুজু হোৱাৰ আশংকা অভিনেতা গৰাকীৰ বিৰুদ্ধে ৷ উল্লেখ্য যে, মঙলবাৰে জোধপুৰৰ কৃষ্ণষাড় হৰিণ চিকাৰত ব্যৱহৃত অস্ত্ৰৰ অনুজ্ঞাপত্ৰ হেৰোৱা বুলি মিছা শপত পত্ৰ দিয়া সন্দৰ্ভত শুনানিৰ দিন ধাৰ্য কৰা হৈছিল ৷ য'ত ছলমানৰ অধিবক্তা ন্যায়ালয়ত মন্তব্য কৰে যে,ছলমান খানে কোনো এনে মন্তব্য কৰা নাছিলে যাৰ বাবে তেওঁ মিছা শপত গ্ৰহণ পত্ৰ দিবলগীয়া হৈছে ৷ আনহাতে,যদিহে জনপ্ৰিয় অভিনেতা গৰাকীয়ে মিছা শপত পত্ৰ দি ন্যায় ব্যৱস্থাক বিপথে পৰিচালিত কৰিব বিচাৰিছে তেতিয়া হ'লে পুনৰ এক নতুন গোচৰ ৰুজু হোৱাৰ সম্ভাৱনা আছে ছলমান খানৰ বিৰুদ্ধে ৷ আনহাতে, সুদীৰ্ঘ 13বছৰ ধৰি চলি অহা গোচৰৰ পুনৰ শুনানি 17 জুনত হ'ব বুলি সদৰী কৰে ন্যায়ালয়ে ৷